Maqedoni

Mbi 150 ligje janë dorëzuar në Kuvend, një pjesë me procedurë të shkurtuar të ndërlidhura me Covid-19 dhe Ligji për kundërvajtje

Zhurnal Ads

Shkup, 9 tetor, zhurnal.mk – Nga 1 deri më 8 tetor, 151 propozim ligje të reja, ndryshime dhe plotësime të ligjit janë dërguar në Kuvend, shumica prej tyre me procedurë të shkurtuar, për të cilën praktikë u bë vërejtje edhe në Raportin e fundit të KE-së për progresin e vendit. Lidhur me ligjet me procedurë të shkurtuar, ka harmonizime të shumta me Ligjin për kundërvajtje, i cili parashikonte uljen e gjobave, si dhe me masat për përballjen e krizës me Kovid – 19, përfshirë paketën ekonomike të masave të propozuara nga Qeveria.

Kryetari i Kuvendit, Talat Xhaferi, lidhur me vërejtjet se deputetët përsëri do të vendosin për një numër ligjesh me procedurë të shkurtuar, tha se po punojnë për ndryshime në Rregulloren e punës për të gjetur zgjidhjet më të përshtatshme për të kufizuar numrin e ligjeve me procedurë të shkurtuar dhe se disa ligje janë të ndërlidhura me pandeminë Kovid-19.

“Duhet të keni parasysh se Kuvendi nuk punoi deri më 4 gusht, kur ishte seanca konstituive. Shumë gjëra në lidhje me pandeminë dhe rrethanat, si dhe detyrimet që do të rregulloheshin pas ndërprerjes së gjendjes së jashtëzakonshme duhej të prisnin që Parlamenti t’i zgjidhte ato. Keni kujdes kur kemi zgjedhur Qeveri dhe nëse do të shkonim me procedurë të rregullt, ato ligje nuk do të miratoheshin deri në nëntor”, tha Xhaferi, i cili si shembuj i theksoi ligjet për arsimin dhe ndryshimin e datave për fillimin e vitit shkollor.

Rrethanat, theksoi ai në një intervistë për TV 24, duhet të shihen si një tërësi, jo vetëm si segment.

“Jam në dijeni të të gjitha vërejtjeve në Raportin e KE-së”, tha Xhaferi, duke theksuar se Rregullorja për punën e Parlamentit është duke u shqyrtuar dhe do të duhet të shihet se cilat janë zgjidhjet më të përshtatshme për të kufizuar numrin e ligjeve me procedurë të shkurtuar, gjegjësisht nëse do të ishte pas një seance.

Sidoqoftë, midis ligjeve të gjetura në këto 151, të cilat u paraqitën në Parlament, janë projektligji për Regjistrimin në vitin 2020, i cili fillimisht u dorëzua në Legjislaturë në përbërjen e mëparshme, pastaj Propozim ligji për shpalljen e pavlefshme si dhe shfuqizimi i akteve juridike, veprimet, masat dhe pasojat ligjore të procedurave të lustracionit, Projektligji për kontrollin e drogave dehëse dhe substancave psikotrope, si dhe të tjera.

Postime të ngjashme

Skrining për deputetët dhe punonjësit e institucionit ligjvënës

XH,I

Bytyqi dhe Bekteshi: Siguruam mbështetje për zejtarët në kohë të krizës

Z H

Analistët dhe Qytetarët: Grubi një “Show-man, Zv/kryeministër i defeve e zurleve” e assesi i Qeverisë !?

R ZH
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...