Mbi 800 viktima me koronavirus në Rusi

Numri i personave të vdekur me koronavirus në Rusi, ka kaluar shifrën 800 brenda një dite, derisa shumë shtete vazhdojnë të raportojnë kthim mbrapa në përpjekjet e tyre për të ndalur variantin Delta të këtij virusi.

 

Autoritetet ruse kanë regjistruar 816 viktima në 24 orët e fundit. Ato kanë regjistruar mbi 800 viktima katër ditë më parë, dhe situata ka qenë e ngjashme prej atëherë.

Rusia është përballur me rritje të numrit të të infektuarve muajin e kaluar, dhe për këtë, zyrtarët kanë fajësuar variantin Delta.

Task-forca shtetërore për koronavirus në Rusi, ka regjistruar më shumë se 6.6 milionë persona të infektuar me koronavirus dhe 170,499 viktima, prej kur ka shpërthyer pandemia.

Megjithatë, ekspertët shëndetësorë kanë hedhur dyshime në këto shifra, duke thënë se ato janë shumë më të vogla sesa duhen të jenë në realitet.

Rosstat, agjencia shtetërore për statistika e vëzhgon ndaras situatën me pandeminë, dhe së fundmi ka thënë se ka regjistruar 315,000 viktima të lidhura me koronavirus në periudhën prill 2020 – qershor 2021.

Zyrtarët janë duke punuar për të rritur shkallën e vaksinimit në Rusi, e cila është duke u zhvilluar më ngadalë sesa në shumë vende perëndimore, pavarësisht se Rusia ka miratuar katër vaksina të ndryshme, përfshirë Sputnik V.

Related posts

OBSH: Evropa shënon rritje të infektimeve me Kovid-19

N E

Zyrtarë të lartë kinezë zhvillojnë bisedime me të dërguarin amerikan për klimën

Redaksia

Raisi: Nuk do të takohem me Biden; nuk do të rinegocioj programin e raketave

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More