Mbretëria e Bashkuar mund të ketë ditën e saj më të nxehtë të vitit deri më tani, pasi temperaturat pritet të arrijnë në mbi 30C sot.
Njerëzit në Angli dhe Uells do të shohin një ditë të thatë me shumë diell, që mund të thyejë temperaturën e mëparshme prej 31.9C (89.4F) të këtij viti në Parkun St James në qendër të Londrës më 19 korrik, shkruajnë mediat britanike, përcjell Telegrafi.
Shefi meteorolog i Met Office, Frank Saunders tha se zona të mëdha të Mbretërisë së Bashkuar do të ndjejnë nxehtësinë në mes të javës.
Ndërsa temperaturat e larta do të vazhdojnë edhe ditën e mërkurë, në zonat jugore ka mundësi për shtrëngata verore.
E enjtja mund të jetë një ditë më e paqëndrueshme me stuhi potencialisht të forta ndonjëherë.
E premtja duhet të sjellë reshje shiu, të cilat do të lëvizin drejt perëndimit, tha Zyra Meteorologjike.
Agjencia e Sigurisë Shëndetësore e Mbretërisë së Bashkuar (UKHSA) ka lëshuar paralajmërime shëndetësore për të nxehtin për të gjitha zonat e Anglisë, me përjashtim të verilindjes dhe veriperëndimit, deri të premten.
Agjencia paralajmëroi se moti i nxehtë i pritur mund të ketë “ndikime të rëndësishme” në sektorin shëndetësor dhe të kujdesit social në të gjithë Juglindjen dhe Londrën.