Agjencia Zhurnal.mk
Shqipëri

Mbyllet kopshti në Berat, 5 edukatore në karantinë me shenja infektimi, prindërit të frikësuar

Kopshti “Çlirim 1” në Berat është mbyllur nga Instituti i Shëndetit Publik dhe Inspektorati i Higjienës, pas dezinfektimit që është kryer në të gjitha ambientet e brendshme dhe të jashtme të tij. 5 edukatore të këtij kopshti janë vendosur në karantinë, pas shfaqjes së shenjave të dukshme të infektimit me Covid-19.

Dy prej edukatoreve janë konfirmuar sot zyrtarisht “pozitive” nga tamponët e kryer, ndërkohë që tre edukatoret e tjera janë në pritje të përgjigjeve. Në karantinë ndodhet edhe i gjithë stafi i kopshtit, përfshirë 4 edukatore të tjera, sanitaret dhe kuzhinieret, që edhe pse nuk kanë shenja të infektimit do të qëndrojnë të izoluara dhe do ti nënshtrohen tamponimit.

Njoftimi për mbylljen për një afat të papërcaktuar të kopshtit që ndodhet në një nga lagjet më të mëdha të qytetit, në lagjen “Dëshmorët e Kombit”, iu është komunikuar edhe prindërve të fëmijëve, që tashmë janë në panik për fëmijët e tyre që e kanë frekuentuar kopshtin deri ditën e mbylljes së tij. Mjekët epidemiologë u kanë këshilluar prindërve që ti mbajnë fëmijët në banesa, t’u matin rregullisht temperaturën dhe në rast të shfaqjes së ndonjë shenje infektimi ti drejtohen menjëherë mjekut të familjes.

Kopshti “Çlirim 1” është i treti institucion parashkollor që mbyllet në Berat për shkak të infektimeve nga Covid-19,pas mbylljes së kopshtit “10 Korriku” dhe çerdhes në lagjen “Donika Kastrioti”. Ndërkohë që numri i të infektuarve nga Covid-19 është rritur nga dita në ditë, aktualisht në qarkun e Beratit konfirmohen zyrtarisht 492 raste aktive.

Postime të ngjashme

Meta kujton Ditën e Çlirimit të Kosovës: Dita për të nderuar luftën e drejtë të UÇK-së

Dafina Vidishiqi

Rama uron 30 vjetorin e Partisë Socialiste

Dafina Vidishiqi

Mandati 2 vjeçar në Këshillin e Sigurimit, Nesho: Një shans për Shqipërinë

Dafina Vidishiqi

Gara e 13 qershorit, Basha: Do të dalim më të bashkuar për të vazhduar betejën

Dafina Vidishiqi

Rama publikon videon: Ja çfarë ndodhi sonte në mes të Tiranës

Dafina Vidishiqi

A do dekretojë Meta qeverinë Rama 3?

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...