Donald Trump lavdëroi gruan e tij Melania Trump gjatë fjalimit të tij të fitores pas zgjedhjeve presidenciale. Ai ka paralajmëruar një “periudhë të artë të Amerikës” në të cilën pranë tij pritet të jetë edhe gruaja e tij.
Melania më parë i shmangej daljeve publike teksa bashkëshorti i saj po kalonte shumë skandale. Sipas Daily Mail, Melania mund ta ketë të vështirë të kthehet në Shtëpinë e Bardhë, sepse më parë e krahasoi atë me një burg të Venezuelës.
Ajo e krahasoi Shtëpinë e Bardhë me burgun Ramo Verde. Thuhet se Melania e urrente jetën në Shtëpinë e Bardhë, por ajo i mohoi këto pretendime.
Gjatë fjalimit të Donald Trump para mbështetësve të tij në West Palm Beach këtë mëngjes, ajo veshi një set elegant gri Dior, i cili është një nga markat e saj të preferuara luksoze.