Menaxheri i Taynës dyshohet se e keqtrajtoi një person në zhveshtoren e diskotekës në Gjilan

Është raportuar se Prokuroria Themelore në Gjilan ka kërkuar nga Gjykata që t’i caktojë masën e paraburgimit Rinor Hykollit, menaxherit të reperes Tayna, si i dyshuar për rrahjen në diskotekën “Stop”, në Gjilan.

Sinjali ka mësuar detaje ekskluzive se si Hykolli bashkë me një person tjetër dyshohen se e keqtrajtuan një person në zhveshtoren e kësaj diskoteke.

Burimet e Sinjalit brenda Prokurorisë kanë njoftuar se e gjithë ngjarja dyshohet se ka ndodhur pas mesnatës së 22 korrikut, në diskotekën “Stop”, ku Hykolli bashkë me Shpresim Xheladinin, të dyshuarin tjetër për këtë rast, e sulmuan fizikisht viktimën L.B.

E gjithë ngjarja dyshohet se ka nisur pasi Shpresim Xheladini e kishte thirrur viktimën dhe bashkë me të kishin hyrë në zhveshtoren për këngëtarë, aty ku i priste i dyshuari Rinor Hykolli.

Posa kanë hyrë në zhveshtore, Hykolli dhe Xheladini e kishin goditur viktimën në pjesën e kokës me armët që i mbanin. Pas këtyre goditjeve, viktima ishte rrëzuar përtokë, por të dyshuarit nuk ishin ndalur, njoftojnë tutje këto burime.

Ata dyshohet se kanë vazhduar të godasin viktimën me grushte e shqelma, derisa ishte në tokë. Për të shpëtuar nga ky sulm, viktima ia kishte marrë të dyshuarit Hykolli një sprej, që i kishte rënë nga xhepi dhe i kishte spërkatur me të. Kështu ai arriti të largohej nga vendi ku dyshohet se u keqtrajtua, por me lëndime të rënda.

Viktima e kishte thyer hundën nga goditjet që dyshohet se i ka pësuar gjatë sulmit nga Hykolli dhe Xheladini.

Rinor Hykolli dyshohet se ka kryer veprën penale “lëndim i rëndë trupor”.

Related posts

Nga Italia, Bebe Rexha me një tjetër paraqitje provokuese në fustanin e zi transparent

D V

Genta Ismajli në pritje të fëmijës së parë, postohet video me barkun e rrumbullakosur

D V

‘Isha i djersitur’/ Graniti me Semin në dush, Fifi ‘çmendet’ nga xhelozia

D V

This website uses cookies to improve your experience. We'll assume you're ok with this, but you can opt-out if you wish. Accept Read More