Merck nënshkruan marrëveshje me Singaporin për pilulën kundër COVID-19

Kompania amerikane, Merck ka njoftuar të mërkurën se ka arritur marrëveshje me Singaporin për ta furnizuar me pilulën eksperimentale kundër koronavirusit.

Molnupiravir mund të jetë pilula e parë që synon të luftojë COVID-19, sëmundjen që shkakton koronavirusi.

Merck është duke kërkuar miratimin e Administratës amerikane për Ushqim dhe Ilaçe për përdorimin e saj.

Australia ka blerë po ashtu pilulën e Merck, derisa Tajlanda, Koreja Jugore, Tajvani dhe Malajzia janë duke negociuar blerjen.

Ngutia për ta porosituar këtë pilulë vjen pasi të dhënat nga testimet klinike fillestare, të publikuara javën e kaluar, kanë treguar se ky ilaç mund të zvogëlojë për 50 për qind mundësinë e shtrirjes në spital apo vdekjes, për pacientët që rrezikojnë të sëmuren rëndë nga COVID-19.

Singapori ka raportuar 3,486 raste të reja me koronavirus të martën, ndërkohë që po përballet me shpërthimin më të keq prej përhapjes së pandemisë.

Deri më tani, ky vend ka vaksinuar mbi 80 për qind të popullsisë kundër COVID-19.

Related posts

Gjermania i kërkon Rusisë të ndalë sulmet kibernetike

N E

Ish-presidenti amerikan, Bush: 20 vjet më parë, “jeta jonë ndryshoi përgjithmonë”

D V

Afganët që kanë përkthyer për Holandën kërcënohen nga talebanët

D V

This website uses cookies to improve your experience. We'll assume you're ok with this, but you can opt-out if you wish. Accept Read More