Gjatë spektaklit të “Big Brother VIP Albania”, Meriton Mjekiqi u pa duke u larguar nga shtëpia si finalist i parë i eliminuar.
Ky zhvillim ka sjellë shumë zhgënjim dhe habi në mesin e publikut të gjerë, duke qenë se Meritoni kishte fituar një ndjekje të madhe dhe pritshmëri të lartë për performancën e tij në shtëpi.
Në veçanti, largimi i menjëhershëm i Meritonit dhe Ilnisës nga studioja akoma pa përfunduar spektakli, si dhe mungesa e tyre në festën pas-finale, kanë ngjallur më shumë dyshimet për një ambient të tensionuar.
Kjo shton më tej atë që zakonisht quhet si “hatërmbetje” nga ana e Meritonit ndaj produksionit.
Më tej, Meritoni ka qenë tepër rezervuar në lidhje me përvojën e tij në shtëpi. Ai nuk ka bërë asnjë prononcim publik dhe as nuk ka përditësuar llogaritë e tij sociale, përveç një fotoje ku shihet krah Ilnisës – e cila u publikua nga vetë ajo.
