Agjencia Zhurnal.mk
Bota

Merkel u kërkon gjermanëve durim dhe respektim të masave

Kancelarja gjermane, Angela Merkel e ka përshkruar krizën e koronavirusit si “përpjekje e madhe” për familjet që po përballen me masa izoluese, teksa ka bërë thirrje për durim.

“Ne nuk jemi ende gati që të rihapim çerdhet dhe shkollat”, tha ajo në një video të publikuar të shtunën.

“Por, nëse jemi më konsistent tani që të përmbahemi nga kontaktet dhe të mbajmë distancën, të respektojmë rregullat e higjienës dhe mbajtjes së maskës, kjo (rihapja) do të ndodhë më shpejt”, tha Merkel, transmeton Dpa.

Pavarësisht se tha që po bëjnë gjithçka për të rihapur çerdhet dhe shkollat, kancelarja Merkel paralajmëroi kundër “rrezikut të mutacioneve shumë ngjitëse të virusit”.

Këto komente të Merkel, vijnë pasi lideri i bllokut konservativ të Merkelit në Parlamentin gjerman, Ralph Brinkhaus tha se izolimi duhet të zgjatet përtej datës 14 shkurt.

Ministrat e Shëndetësisë së landeve gjermane është paraparë që të takohen të shtunën për të diskutuar lidhur me fushatën e vaksinimit kundër koronavirusit.

Qeveria federale është përballur me kritika për procesin e ngadalshëm të vaksinimit kundër koronavirusit.

Sipas të dhënave të Institutit Robert Koch, të shtunën u raportuan 12,321 raste të reja me koronavirus.

Gjermania aktualisht është duke zbatuar masën e izolimit, ku janë mbyllur kafiteritë e restorantet, shumë dyqane dhe institucionet e sistemit arsimor. Këto masa pritet të jenë në fuqi deri në mesin e muajit shkurt.

Postime të ngjashme

Situatë e rëndë me zjarret në Greqi

D V

Miliona evropianë nuk kanë para për pushime verore

D V

Roja i kampit nazist do të dalë para gjykatës në Gjermani

D V

Mbi 60 milionë të infektuar me koronavirus në Evropë, thotë OBSH

D V

Ghani fajëson Uashingtonin për pasigurinë në Afganistan

D V

BE-ja ndihmon Turqinë në luftën me zjarret

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...