Agjencia Zhurnal.mk
Shqipëri

Meta pret Koordinatoren e re Rezidente të OKB-së në Shqipëri: Uroj një bashkëpunim të shkëlqyer mes vendit tonë e KB

Presidenti i Republikës Ilir Meta ka pritur sot në një takim Koordinatoren e re Rezidente të OKB-së në Shqipëri, znj.Fiona McCluney, me rastin e fillimit të mandatit të saj në vendin tonë.

Meta shprehet se e ka siguruar zonjën McCluney për bashkëpunim dhe mbështetje të plotë në ushtrimin e detyrës së saj.

Po ashtu, Meta deklaron se bashkëpunimi mes Shqipërisë dhe KB-së do të sillte më shumë vlera për demokracinë.

Postimi i presidentit Ilir Meta:

Me kënaqësi prita sot Koordinatoren e re Rezidente të OKB-së në Shqipëri, znj.Fiona McCluney, me rastin e fillimit të mandatit të saj në vendin tonë.

E sigurova për bashkëpunim dhe mbështetje të plotë në ushtrimin e detyrës së saj.

Theksova rëndësinë e përshpejtimit të arritjeve të Objektivave të Zhvillimit të Qëndrueshëm 2030 për Shqipërinë, që përputhen edhe me objektivin tonë strategjik për integrimin në BE.

Shpreha mirënjohjen për rolin e Agjencive të KB në Shqipëri në promovimin e të drejtave të njeriut, si dhe ofrimin e mbështetjes për institucionet shqiptare në zbatimin e rekomandimeve të organizmave ndërkombëtare të të drejtave të njeriut. Vlerësova gjithashtu synimin për rritjen e investimeve për mbrojtjen sociale.

Përcolla falenderime të veçanta për Sekretarin e Përgjithshëm për mbështetjen që agjencitë e Kombeve të Bashkuara në Shqipëri kanë dhënë për institucionet shqiptare dhe shtresat e prekura të popullatës në luftën kundër COVID-19.

Duke ju referuar faktit se ky vit shënon 75-vjetorin e themelimit të KB, që përkon edhe me 65-vjetorin e pranimit të Shqipërisë në OKB, sugjerova për të punuar së bashku për një kalendar aktivitetesh, jo vetëm për të përkujtuar këto ngjarje të rëndësishme, por edhe për të bërë një bilanc të bashkëpunimit të shkëlqyer të Shqipërisë me OKB-në.

Postime të ngjashme

Çekia dëbon 18 diplomatë rusë, të përfshirë në spiunazh e sabotime. Alarm në të gjithë Europën

R Zh

Të infektuarit me Kovid-19 nuk do të mund të votojnë në zgjedhjet e 25 prillit

N E

Aleksandër Vuçiq: Berisha dhe Basha flasin hapur për krijimin e Shqipërisë së Madhe

N E

Monika Kryemadhi: Në Berat nga 3 do të marrim 4 mandate

N E

Aeroporti i Kukësit/ Rama: “Pas pak zbresim këtu, në Kukës”

N E

Mbi 40 mijë vaksina AstraZeneca, Soreca: I lumtur për të luftuar së bashku pandeminë

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...