Agjencia Zhurnal.mk
Bota

Mianmar, shkon në 796 numri i viktimave në protestat kundër grushtit të shtetit

Është rritur në 796 numri i personave që kanë humbur jetën në Mianmar si pasojë e ndërhyrjes së forcave të sigurisë ndaj grupeve dhe protestuesve që kundërshtojnë grushtin e shtetit ushtarak dhe arrestimin e anëtarëve të qeverisë së zgjedhur.

Sipas raportit ditor të publikuar nga Shoqata e Ndihmës për të Burgosurit Politikë (AAPP), në 24 orët e fundit janë konfirmuar edhe 6 të vdekur, duke rritur në të paktën 796 numrin e viktimave.

Në raport thuhet se në vend nën arrest ndodhen 3.998 persona dhe se vazhdon të ketë një urdhër arresti për 1.679 persona të tjerë. Jetët e humbura së fundmi thuhet se janë shënuar në zonën Mindat të rajonit Chin ku vazhdojnë konfliktet mes ushtrisë së Mianmarit dhe kryengritësve ndaj grushtit të shtetit.

Në një deklaratë të bërë dje me shkrim nga Forcat e Mbrojtjes Chinland (CDF), grupi i armatosur i formuar kundër ushtrisë së Mianmarit pas grushtit të shtetit u theksua se “Gjashtë nga luftëtarët tanë që mbrojtën zonën Mindat nga administrata ushtarake sakrifikuan jetën e tyre në rrugën e revolucionit kombëtar”.

Postime të ngjashme

Polici amerikan nuk ndahet së qari pasi u detyrua ta vrasë 19-vjeçaren – familja “ia fal gjakun”

Dafina Vidishiqi

Fauci: Varianti Indian, kërcënimi më i madh në luftën kundër Covid-19

Dafina Vidishiqi

Pamjet kur një burri rom në Çeki, polici ia vuri gjurin në qafë – vdekja e tij po krahasohet me atë të George Floyd në SHBA

Dafina Vidishiqi

New Yorku nuk është më qyteti me më së shumti miliarderë

Dafina Vidishiqi

Szijjarto: BE mund ta humbasë Ballkanin Perëndimor

Dafina Vidishiqi

Spanja fal liderët katalanas për përpjekjet e dështuara për pavarësi

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...