Milani futet në garë për transferimin e Chiesas

E ardhmja e Federico Chiesas vazhdon të mbetet e paqartë, se ku do ta vazhdoj karrierën.

Sulmuesi italian do të largohet nga Juventusi pasi nuk është në planet e trajnerit Thiago Motta.

Kontrata e tij me Zonjën e Vjetër skadon në verën e vitit 2025 dhe Juventus është gati ta lejoj largimin e lojtarit për 15 milionë euro.

Agjenti i Chiesas, Fali Ramadani ka pasur biseda tani me Lazion dhe Romën, derisa pritet që një gjë të tillë ta bëjë edhe me drejtuesit kuqezi.

Megjithatë problemi kryesor qëndron te paga e lartë që lojtari kërkon prej gjashtë milionë eurove në sezon.

Largimi i tij nga Juventusi është tanimë i sigurt, por mbetet të shihet se ku do të përfundoj Chiesa gjatë afatit kalimtar veror.