Maqedoni

Milevski: Procesi i decentralizimit pritet të përfundojë deri në zgjedhjet lokale

Zhurnal Ads

Shkup, 30 shtator – Zhurnal.mk – Ministri i Vetëqeverisjes Lokale, Goran Milevski në konferencën e sotme për shtyp lidhur me procesin e decentralizimit theksoi se nuk varet prej tyre, pasi, siç tha, nuk bëhet fjalë për vetëm një ligj. Theksoi se ky është vendim politik i Qeverisë.

Milevski potencoi se të gjithë atë që planifikojnë ta bëjnë rreth decentralizimit është ta përfundojnë deri në zgjedhjet lokale që të mundet përbërja e tyre të funksionojë me ingerenca të rritura. Shtoi se zbatimi i ligjit për decentralizim do të thotë më shumë para për komunat nga tVSH-ja dhe nga të ardhurat personale.

“Procesin e decentralizimit, ne si ekip në Ministri së bashku me Fatmir Bytyqin e kemi përgatitur si të tillë. Tani pason faza edhe një herë t’i rianalizojmë të gjitha vendimet dhe masat që i kemi paraparë atje dhe të fillojmë me implementimin e tij. Ky është vendim politik i Qeverisë dhe kur ta pranojë konceptin tonë, çdo ministri në afate të caktuara duhet të përgatisë ndryshimin e ligjeve konkrete nga sfera e vet edhe nga Kuvendi që të fillojë praktikisht transferimi i ingerencave në nivel lokal. Ndërsa me Ministrinë e Financave ta fillojmë këtë decentralizim, gjegjësisht më shumë para për komunat nga TVSH-ja dhe nga të ardhurat personale”, tha ai.

Gjithashtu, theksoi Milevski, një gjë të rëndësishme që po e bëjmë me Ministrinë e Drejtësisë janë listat e hapura për zgjedhjen e këshilltarëve me të cilët do të japim edhe një stimul drejt llogaridhënies më të madhe dhe kontrollit të qytetarëve.

“Zgjedhja e këshilltarëve të cilët do të jenë nga qytetarët dhe do të punojnë për qytetarët. Presim të gjitha këto procese të zhvillohen gjatë vitit të ardhshëm dhe mandatin e ri të këshilltarëve në vitin 2021, por praktikisht me buxhetin e vitit 2022 do të fillojnë të punojnë me ingerencat e reja”, tha ai.

Postime të ngjashme

Mbi 150 ligje janë dorëzuar në Kuvend, një pjesë me procedurë të shkurtuar të ndërlidhura me Covid-19 dhe Ligji për kundërvajtje

XH,I

Autobusët duhet të punojnë me kapacitet të përgjysmuar, inspektorët paralajmërojnë kontrolle

admin

Zhelinë, nxënësit bojkotojnë mësimin shkaku i shkollës së vjetër

Z H
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...