Agjencia Zhurnal.mk
Kosovë

Milo Gjukanovic zbulon planin sekret të Vuçiqit për Kosovën

Presidenti i Malit të Zi deklaroi se Beogradi zyrtar rezultatet e zgjedhjeve në Mal të Zi po i interpreton me logjikën e pushtuesit. Djukanovic shtoi se partitë e qeverisë në pushtet shpejt do të heqin qafe ‘shqiptarin e ndershëm’ për ta shndërruar Malin e Zi në një shtet serb

Djukanovic thumboi presidentin serb Vucic kur tha se “me përvetësimin e historisë malazeze” dëshiron të lidhë pjesën e munguar të historisë së Serbisë në intervistën për gazetën e Pobjeda të Podgoricës e përshkroi humbjen e partisë së tij në zgjedhjet e gushtit që tani po e “shfrytëzon si derë të hapur për vazhdimin e misionit të tij të serbizimit të Malit të Zi dhe ndryshimin e karakterit të shtetit qytetar”.

“Duke e parë që synimet e nacionalizmit serbomadh në Mal të Zi end nuk janë realizuar, mund të thuhet se zemërimi në qendrën e Frontit Demokratik – kreu i Serbisë – po shtohet.  Edhe për atë se as qeveria e re e Malit të Zi nuk po luan sipas taktit të tyre” tha Djukanovic.

Djukanovic tha se Beogradi dëshironte një model më të pastër, që me trupat e tyre të drejtonte Malin e Zi.

Tani lider i opozitës Djukanovic, megjithëse ende president i shtetit që disa herë e kërcënuan me shkarkim – Dritan Abazovic ishte mjaft i hapur disa herë në publik me kërcënimet e tij ndaj Djukanovic – tha se Beogradi është i frustruar se partia e tij që mbetet e vetmja pengesë politike e pushtimit të Malit të Zi, nuk po humb mbështetjen e publikut siç kishin pritur.

“Për atë në Nikshiq ata po përgatiten për ‘Betejën e Kosovës’: për atë edhe regjistrimi i popullatës, sipas zyrtarëve beogradas, në Mal të Zi është çështje e interesit më të madh kombëtar të Serbisë: që përmes inxhinierisë të identitetit ta paraqesin si shtet serb Malin e Zi. Pas kësaj Fronti Demokratik do të mund të rrëzonte këtë qeveri, ta çlironte nga varësia e ‘shqiptarit të ndershëm’ dh të formoj qeverinë e vërtetë serbe në krye me parinë e Frontit në të” tha Djukanovic.

Ai foli edhe për synimin e dhe resurset e Vucic për ta hequr nga pushteti, duke vlerësuar se po “mbivlerësohen kapacitetet e presidentit të Serbisë”, që po i “shkon për shtat iluzionit të tij se është afër të arrij qëllimit të pushtoj Malin e Zi”.

“Që nuk është! Në zgjedhje për president mora 54 për qind të votave; jam në krye të partisë që ka tridhjetë mandate dhe që ka pushtetin në shumicën e komunave të Malit të Zi. Pra: Mos u ngutni!” porositi Djukanovic.

Kreu i shtetit malazez pohon se Serbia pas të nëntëdhjetave kur “doli nga shishja fantazma ndaj kroatëve, boshnjakëve dhe pastaj edhe shqiptarëve ju erdhi rendi edhe malazezëve”. Ai akuzon Serbinë se “në vazhdimësi shkakton marrëdhënie jo shëndosha me fqinjë” duke e vlerësuar “se kjo është lojë e rrezikshme”  që në të nëntëdhjetat “nuk arritën ta kontrollonin as lojtarë më të mëdhenj politik se këta të sotmit”.

“E dimë si përfundoi kjo: me gjenocid dhe në Hagë” tha Djukanovic.

Ai shtoi se Serbia po tenton të jetësoj “idenë e Serbisë së Madhe, tani të quajtur “bota serbe”,  po duan të ndryshojnë karakterin e Malit të Zi, që në vend të shtetit sekular, multietnik e pro europian të deritanishëm, shtet anëtar i NATO, të shndërrohet në “pjesë të nevojshme të trekëndëshit serbomadh Beograd-Banjalluka-Podgorica”.

Postime të ngjashme

Sa janë të sigurta të dhënat personale në Kosovë?

D V

Nagavci ka një kërkesë për mësimdhënësit: Shtatori duhet të na gjejë me punëtorë arsimorë të vaksinuar

D V

Kurti: Jemi të përkushtuar për mbrojtjen dhe përparimin e të drejtave të njeriut

D V

Gërvalla në Slloveni: BE-ja duhet ta ndalë ‘Mini-Shengenin’, i rrezikshëm për paqen në Ballkan

D V

Mungon një i akuzuar, dështon gjykimi ndaj Milaim Zekës dhe të tjerëve

D V

Gjykata Speciale ia ka vazhduar paraburgimin Salih Mustafës

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...