Maqedoni

Ministri Bekteshi takon Ambasadoren Bërns

Zhurnal Ads

Shkup, 24 shtator – Bashkëpunimi i deritanishëm mes Maqedonisë së Veriut dhe SHBA-së, si dhe mundësitë për bashkëpunim në të ardhmen, veçanërisht në fushën e ekonomisë, ishin tema kryesore në takimin e sotëm të minsitrit të Ekonomisë, Kreshnik Bekteshi, me ambasadoren e SHBA-së në Maqedoninë e Veriut, Kejt Mari Bërns.

Sip kutmoi Ministria e Ekonomisë, në takim ambasadorja Bërns shprehu urimet e saj për Qeverinë e re, si dhe rizgjedhjen e Ministrit Bekteshi si ministër i ekonomisë.

Gjatë takimit, ministri Bekteshi prezantoi projektet e implementuara dhe aktivitetet e planifikuara të Ministrisë së Ekonomisë në fushën e energjetikës, tregtisë, inovacionit, mbështetjes së investitorëve të huaj, si dhe mbështetjen e sipërmarrësve të rinj.

Bekteshi theksoi se një nga qëllimet kryesore të Ministrisë së Ekonomisë është të mbështesë ndërmarrjet e vogla dhe të mesme në mënyrë që të rritet konkurrenca e tyre, si në tregjet vendore ashtu edhe në ato të huaja.

Ministri informoi se në fushën e reformave për të përmirësuar kushtet për të bërë biznes, Ministria ka përgatitur një zgjidhje ligjore që lejon hapjen e kompanisë me një kapital fillestar prej 1 euro, e cila nënkupton nxitje shtesë për sipërmarrësit e rinj që të inkurajohen për të filluar ndonjë biznes.

Në fushën e energjetikës, Ministri falënderoi Shtetet e Bashkuara për mbështetjen e dhënë në hartimin e Ligjit për Energjetikë, i cili është i një rëndësie strategjike për sigurimin e stabilitetit të energjisë në vend.

Bekteshi e informoi ambasadoren për projektet strategjike në fushën e energjetikës që janë duke u implementuar për momentin dhe të cilat janë planifikuar të realizohen në periudhën e ardhshme që do të nënkuptojnë përmirësimin e cilësisë së jetës së të gjithë qytetarëve.

Të dy bashkëbiseduesit ranë dakord se sfida kryesore për ekonominë e Maqedonisë së Veriut dhe në përgjithësi momentalisht është trajtimi i pasojave socio-ekonomike të shkaktuara nga pandemia e virusit Kovid 19 si dhe masat për rifillimin e ekonomisë, thuhet në kumtesën e Ministrisë së Ekonomisë.

Postime të ngjashme

5 të vdekur dhe 142 raste të reja me Covid në Maqedoni

Z H

Dimovski: Kjo qeveri është qeveri e BDI-së

T E

Fatime Fetai: Rasti “Monstra” mund të përfundon në tetor

R ZH
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...