Agjencia Zhurnal.mk
Kosovë

Ministri Çeku për mbajtjen e liturgjisë: Policia s’e dinte, veprimtaria fetare nuk mund të përdoret për qëllime politike

Ministri i Kulturës, Rinisë dhe Sportit, Hajrulla Çeku, tha se institucionet përkatëse nuk kanë qenë të njoftuara paraprakisht për mbajtjen e liturgjisë në Kishën Ortodokse Serbe në Prishtinë.

Tutje, Çeku ka bërë thirrje që situata të tilla të  mos përsëriten dhe palët e interesit në këtë rast gjyqësor të përmbahen nga ushtrimi i presionit të drejtpërdrejtë ose të tërthortë mbi institucionet e drejtësisë.

Reagimi i plotë për liturgjinë ortodokse: Veprimtaria fetare nuk mund të përdoret për qëllime politike

Gjatë ditës së sotme jemi njoftuar për një aktivitet të Kishës Ortodokse Serbe në Kosovë të zhvilluar në strukturën e papërfunduar, e cila ishte ndërtuar në pronën e Universitetit të Prishtinës në kohën e regjimit represiv serb mbi Kosovën. Policia e Kosovës nuk ka qenë e njoftuar paraprakisht për mbajtjen e këtij aktiviteti dhe kjo përbën shkelje të rregullave të sigurisë publike në Kosovë.

Prona ku është ngritur struktura e papërfunduar aktualisht është në procedurë kontestimore dhe ku paditës është Universiteti i Prishtinës “Hasan Prishtina”. Për këtë arsye, asnjëra palë që është pjesë e procedurës gjyqësore nuk guxon të ushtrojë presion mbi gjykatat. Bëjmë thirrje që situatat e tilla të mos përsëriten dhe palët e interesit në këtë rast gjyqësor të përmbahen nga ushtrimi i presionit të drejtpërdrejtë ose të tërthortë mbi institucionet e drejtësisë.

Liria e veprimtarisë fetare është e garantuar me Kushtetutën dhe ligjet e Kosovës, dhe ajo mbrohet me të gjitha mekanizmat institucional. Mirëpo, veprimtaria fetare nuk mund të përdoret për qëllime politike dhe as të cënojë rendin, ligjin dhe drejtësinë. Për paqen që e gëzojmë sot kemi paguar çmim të lartë, prandaj institucionet e Kosovës nuk do të tolerojnë veprime që cënojnë sigurinë publike, ndërhyjnë në pavarësinë e gjyqësorit dhe nxisin konflikte duke e rrezikuar bashkëjetesën mes komuniteteve.

Postime të ngjashme

Samiti Biden-BE ka në agjendë dialogun Kosovë-Serbi

Dafina Vidishiqi

​BE: Nuk do të ketë fillim të ri të dialogut

Dafina Vidishiqi

Anton Quni, kandidat i LDK-së për kryetar të Prizrenit

Dafina Vidishiqi

Osmani viziton kampin e KFOR-it “Villaggio Italia”

Dafina Vidishiqi

Gjyqtari Kreshnik Radoniqi emërohet për kryesues të ri të KQZ-së

Dafina Vidishiqi

Më 15 qershor hapen sallat e dasmave

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...