Agjencia Zhurnal.mk
Bota

Ministri danez i Bujqësisë jep dorëheqjen pas skandalit të vizonëve

Mogens Jensen dha dorëheqjen për shkak të një vendimi të paligjshëm të qeverisë për të vrarë vizonët e fermave.

Ministri i Bujqësisë i Danimarkës sot dha dorëheqjen pas një urdhri të paligjshëm të qeverisë për të reduktuar përmes vrasjes vizonët e fermave në vend, transmeton Anadolu Agency (AA).

“Unë sot e kam njoftuar kryeministren se dëshiroj të jap dorëheqje nga qeveria. Mund të deklaroj se nuk ka mbështetje të nevojshme për mua midis partive parlamentare”, tha Mogens Jensen në Twitter.

Megjithatë, opozita e vendit nuk ishte e kënaqur me dorëheqjen e Jensen-it dhe i bëri thirrje kryeministres Mette Frederiksen të pranojë pjesën e saj.

“Kryeministrja është përgjegjëse për urdhrin e paligjshëm. Ajo e mori vendimin dhe nuk ndërhyri dhe nuk ndaloi atë kur u bë e vetëdijshme se ishte i paligjshëm”, tha udhëheqësi i Partisë Liberale opozitare Jakob Elleman-Jensen në Twitter.

“Prandaj, çështja nuk përfundon me largimin e Mogens Jensen-it. Ekziston nevoja për një komision hetimor”, shtoi ai.

Në fillim të këtij muaji, Frederiksen u kishte lëshuar një urdhër fermerëve për të seleksionuar miliona kafshë që vlerësohen për gëzofin e tyre të shtrenjtë, por zbuloi se ajo mund të mos kishte votat e nevojshme për të kaluar legjislacionin përmes parlamentit.

Nëpërmjet reduktimit të kafshëve, rreth 17 milione vizonë duhej të hidheshin në gaz, të digjeshin ose të hidheshin në varre masive për shkak të frikës se një mutacion i COVID-19 që filloi në fermat daneze të vizonëve mund të pengonte zhvillimin e një vaksine.

Postime të ngjashme

Polici amerikan nuk ndahet së qari pasi u detyrua ta vrasë 19-vjeçaren – familja “ia fal gjakun”

Dafina Vidishiqi

Fauci: Varianti Indian, kërcënimi më i madh në luftën kundër Covid-19

Dafina Vidishiqi

Pamjet kur një burri rom në Çeki, polici ia vuri gjurin në qafë – vdekja e tij po krahasohet me atë të George Floyd në SHBA

Dafina Vidishiqi

New Yorku nuk është më qyteti me më së shumti miliarderë

Dafina Vidishiqi

Szijjarto: BE mund ta humbasë Ballkanin Perëndimor

Dafina Vidishiqi

Spanja fal liderët katalanas për përpjekjet e dështuara për pavarësi

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...