Ministri Mehaj: Ndihuni të sigurt sepse bashkë me aleatët tanë jemi për ju gjithmonë

Ministri i Mbrojtjes Armend Mehaj, ka përmendur të arriturat e ministrisë që ai drejton në 6-mujorin e marrjes së detyrës.

Mehaj thotë se Ministria e Mbrojtjes ka pasur disa suksese gjatë kësaj kohe, transmeton Telegrafi.

“Ndjehem i nderuar, që në gjashtëmujorin e marrjes së detyrës së Ministrit të Mbrojtjes, t’u njoftoj se të arriturat e deritashme dhe projektet në proces e sipër janë në përputhje të plotë me vizionin tim për Ministrinë e Mbrojtjes dhe FSK-në. Ministria e Mbrojtjes përgjatë kësaj periudhe përveç realizimit të suksesshëm të mirëmbajtjes së sistemit administrativ dhe funksional të Ministrisë së Mbrojtjes, ka mirëmbajtur dhe operuar me sukses edhe me aftësitë dhe kapacitetet aktuale të FSK-së”, thotë ai.

Mehaj ka shkruar se “Qëllimet e mia strategjike dhe objektivat operacionalë janë në rrugë të sigurt të realizimit të suksesshëm”.

“Për të gjitha këto të arritura dhe zhvillime, për këta gjashtë muaj, ju kam njoftuar në vazhdimësi dhe në koherencë të plotë. Për këtë u shprehë mirënjohjen të gjithë zyrtarëve të Ministrisë së Mbrojtjes dhe ushtarakëve e nëpunësve të FSK-së. Gjithashtu, falënderim dhe mirënjohje e veçantë për Zyrën e Bashkëpunimit të Mbrojtjes të Ambasadës Amerikane, Gardës Kombëtare të Iowa-s, Ekipin Këshillëdhënës te NATO-s, , homologët e mi, këshilltaret bilateral dhe atashetë e mbrojtjes së vendeve partnere, lidershipin e KFOR-it për mbështetjen e tyre shumë të vlefshme dhe të pakursyer për të këtë periudhë pune të madhe dhe të suksesshme”, shkruan Mehaj në Facebook.

Ministri thotë se “Ashtu siç kemi punuar fuqishëm përgjatë gjashtë muajve do të vazhdojmë edhe në çdo orë, ditë, javë, muaj e vite të ardhshme”.

“Detyra, Nderi dhe Atdheu janë maksima që më udhëheq mua, stafin e Ministrisë, Ushtarakun e FSK-së dhe Qeverinë e Republikës së Kosovës.Ndihuni të sigurt sepse bashkë me aleatët tanë jemi për ju gjithmonë. Në çdo kohë dhe rrethanë, Sepse,E ardhmja ka vetëm një alternativë- Republikën e Kosovës, shtet i të gjithë qytetarëve të saj, pa dallime të përkatësisë etnike, fetare e racore; shtet demokratik, i pavarur, sovran, me integritet të plotë territorial si dhe me orientim të plotë evropian dhe euroatlantik”.

“Paqja, siguria, stabiliteti dhe prosperiteti i përgjithshëm i vendit tonë dhe rajonit në përgjithësi është detyrim yni dhe i njëjti duhet të jetë i të gjithëve”, deklaroi Mehaj.

Related posts

Ivica Daqiç: Serbia nuk do ta njohë pavarësinë e Kosovës

N E

Ky është profili i Dafina Gexha-Bunjakut, u.d e ministres së Shëndetësisë

D V

Reciprociteti me targa nga Kosova, Vuçiq mbledh Këshillin e Sigurisë Kombëtare – reagon edhe Lista Serbe

D V

This website uses cookies to improve your experience. We'll assume you're ok with this, but you can opt-out if you wish. Accept Read More