Shkup, 22 tetor – Ministri i Mbrojtjes Vllado Misajllovski dhe shefi i Shtatmadhorisë së Armatës, gjeneralmajori Sashko Lafçiski, sot dhe nesër do ta udhëheqin delegacionin e Maqedonisë së Veriut në Panairin e 4-të Ndërkombëtar të Mbrojtjes – Saha Expo 2024, i cili po mbahet në Stamboll të Turqisë.
Siç njoftuan nga Ministria e Mbrojtjes, gjatë vizitës në Republikën e Turqisë, Misajllovski do të ketë takim me kolegun dhe nikoqirin e tij – ministrin e Mbrojtjes kombëtare Jashar Gyler.
“Sot dhe nesër, delegacioni i Maqedonisë së Veriut do të realizojë takime me përfaqësues të kompanive turke nga prodhimi i dedikuar dhe do të ketë mundësi të njoftohet me të arriturat më të reja tekniko-teknologjike në fushën e mbrojtjes”, theksohet në kumtesën e Ministrisë së Mbrojtjes.