Ministrja holandeze tërhiqet për shkak të kaosit në Afganistan

Ministrja e Jashtme e Holandës, Sigrid Kaag, dha dorëheqje, për shkak të menaxhimit të krizës së evakuimit nga Afganistani, muajin e kaluar.

Ajo është zyrtarja e parë perëndimore që tërhiqet, si pasojë e kaosit që ndodhi pasi militantët talibanë morën nën kontroll Afganistanin, më 15 gusht.

Deputetët holandezë miratuan një mocion censure ndaj saj, duke thënë se Qeveria ishte shumë e ngadalshme në përgjigje dhe se la pas shumë afganë që duhej të iknin.

Kaag tha se qëndron pas veprimeve të saj, por pranoi vendimin e deputetëve.

Holanda arriti të evakuojë rreth 2,000 njerëz nga Afganistani në dy javët e fundit të gushtit.

Por, qindra afganë që kanë punuar me trupat holandeze, u lanë atje.

Afganët që kanë punuar me forcat ndërkombëtare gjatë 20 vjetëve të fundit, kërcënohen nga talibanët.

Shtetet perëndimore kanë tërhequr mijëra nga Afganistani, por një numër i madh ka mbetur atje.

Related posts

Mbrojtja e  biodiversitetit, përgjegjësi për qytetërimin njerëzor

Redaksia

Forca anti-Taleban rimarrin tre distrikte veriore në Afganistan

Redaksia

Shkon në 304 numri i të vdekurve nga tërmeti në Haiti

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More