Agjencia Zhurnal.mk
Bota

Misioni i OKB-së në Darfur të Sudanit vendos t`i japë fund mandatit

Misioni UNAMID u vendos në Darfur në vitin 2007 për t`i dhënë fund konfliktit të ashpër që shpërtheu në rajonin perëndimor të vendit në vitin 2003 midis forcave qeveritare dhe grupeve rebele.

Misioni paqeruajtës i Kombeve të Bashkuara (OKB) në Darfur ka vendosur t’i japë fund mandatit të tij në rajonin e trazuar të Sudanit, pas 13 viteve të operimit, transmeton Anadolu Agency (AA).

Misioni i OKB-së në Darfur (UNAMID) njoftoi se qeveria sudaneze do të marrë përgjegjësinë për garantimin e sigurisë dhe shërbimeve për qytetarët në rajon.

Misioni njoftoi se nga 1 janari i vitit 2021 trupat dhe personeli i policisë i UNAMID-it do të përqendrohen në garantimin e sigurisë për tërheqjen e aktiviteteve, personelit dhe burimeve.

“UNAMID do të ketë një periudhë gjashtë-mujore për të ndërmarrë tërheqjen, e cila do të kryhet në faza. Kjo do të përfshijë kthimin në atdhe të trupave, automjeteve të tyre dhe pajisjeve të tjera, ndarjen e stafit ndërkombëtar dhe kombëtar, mbylljen e njëpasnjëshme të zyrave të ekipit të misionit si dhe dorëzimin e tyre entiteteve të përcaktuara në përputhje me rregullat e OKB-së”, shpjegoi misioni paqeruajtës.

Javën e kaluar, Këshilli i Sigurimit të OKB-së ra dakord t’i japë fund misionit UNAMID në Darfur, pasi mandati i tij përfundon më 31 dhjetor.

Misioni u vendos në Darfur në vitin 2007 për t’i dhënë fund konfliktit të ashpër që shpërtheu në rajonin perëndimor të vendit në vitin 2003 midis forcave qeveritare dhe grupeve rebele.

Postime të ngjashme

Kush është mjeku shqiptar që tentoi ta shpëtojë Kryetarin e Zagrebit që vdiq pardje

T E

Dilema false e rrezikut pas vaksinimit

T E

Masa më të ashpra kundër Coronavirusit në Malin e Zi

T E

Macron: Të nevojshme edhe disa javë para lehtësimit të masave antiCOVID-19

T E

Sllovakia pranon dozat e para të vaksinës ruse

T E

Orban kërcënon të nxjerrë partinë e tij nga grupi i Partisë Popullore Evropiane

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...