Agjencia Zhurnal.mk
Bota

Mjekja shqiptare në Itali: Virusi, po aq agresiv sa në mars

Zhurnal Ads

Agresiviteti i koronavirusit mbetet i lartë, njësoj si në muajin e parë të pandemisë. Ky pohim vjen nga mjekja shqiptare në Itali, Brunilda Marku.

Përmes një lidhjeje direkte me emsionin “Java në RTSH”, Marku tha se edhe në shtetin fqinj po hasen vështirësi sa i përket kapaciteteve spitalore.

“Sa i përket virulencës, virusi mbetet agresiv siç ka qenë në mars. Rastet madje po rriten shumë më tepër sesa në fillim të pandemisë. Unë punoj në terapitë intensive respiratore. Ne kemi pasur mbështetje të madhe, por kemi ende nevojë për aparatura dhe shtretër apo personel sanitar.

Megjithatë ne përpiqemi të bëjmë më të mirën për pacientët. Shpesh herë janë pikërisht terapitë intensive që parandalojnë edhe shtrimin në reanimacion. Gjëja e parë që qytetari duhet të bëjë kur ka simptomat e Covidit, duhet të kontaktojë mjekun e familjes.

Më pas ky i fundit e orienton për hapat e tjerë” – tha mjekja Brunilda Marku.

Ndërkohë, e ftuar në studion e “Java në RTSH”, mjekja e Klinikës Nr.1, Anila Rexha apeloi që qytetarët që shfaqin simptoma të kontaktojnë fillimisht mjekun e familjes. Rexha shpjegoi rolin e këtij të fundit dhe hapat që ndërmerren më pas.

“Vetë koncepti i mjekut të familjes është i tillë që njeh historikun dhe ka kartelat individuale të një familje të tërë. Në këto kushte është ai që duhet informuar i pari. Kolegët e mi kanë një dosje me pacientët që janë në komunikim nga mëngjesi në mbrëmje.

Pasi merr telefonatën, mjeku i familjes liston të dhënat e pacientit dhe raporton në kohë reale pacientin që t’i kryhet tamponi. Por mjeku ndryshe e vlerëson pacientin që e njeh prej kohësh në rastet kur ka sëmundje kronike.

Dhe ndryshe një pacient të ri në moshë, që nuk ka pasur njohje më herët apo kontakt të shpeshtë. Shumica e këtyre raportimeve për momentin i përkasin Covidit” – tha mjekja Anila Rexha në studion e “Java në RTSH”.

Zhurnal Ads
Zhurnal Ads

Postime të ngjashme

Facebook do të fshijë lajmet e rreme për vaksinën kundër COVID-19

S.B.

Përshpejtohet industria e re e automjeteve të energjisë në Kinë

Z H

Për herë të parë që nga zjarri, koncerti i Krishtlindjes në katedralen Notre-Dame

S.B.

E qethur qerose dhe e internuar/ Shihni si ka përfunduar ish-gruaja e Mbretit më të urryer në botë (FOTO)

S.B.

Uragani Iota godet Amerikën Qendrore, një i vdekur në ishullin Providencia

S.B.

Lukashenka: Do largohem nga posti kur të miratohet kushtetuta e re

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...