Agjencia Zhurnal.mk
Bota

Momenti më i vështirë, polici detyrohet të qëllojë qenin e tij

Lidhja e njerëzve me qenin është një nga miqësitë më të forta që ekziston. Ndarja është gjithmonë e dhimbshme, por në rastin e një oficeri policie ishte akoma më e rëndë kur u detyrua që të vriste qenin e tij.

Keith Larson është në oficer karriere policie në Angli. Ai kishte dalë së bashku me qenin e tij të shërbimit, një pastor gjerman i quajtur Nico. Por papritur gjithçka u kthye në një skenë horror.

Në rrethana të paqarta, qeni kafshoi në dorë oficerin e policisë. Keith u përpoq ta largonte, por ishte e pamundur.

I gjendur në një situatë të tillë, ai u detyrua ta qëllonte me armën e shërbimit. Menjëherë lajmëroi në radio dhe kërkoi ndihmë mjekësore. Ekipet e emergjencës shkuan menjëherë në vendngjarje dhe i dhanë ndihmë mjekësore qenit të policisë, por Nico nuk mundi të mbijetonte.

Nga ana tjetër, edhe oficeri i policisë mori trajtim mjekësor për shkak të kafshimeve nga qeni.

Departamenti i Policisë së Plymouth reagoi për ngjarjen, duke shpjeguar se gjithçka kishte ndodhur shumë shpejt në harkun kohor të 30-45 sekondave. Shefi i policisë sqaroi se Keith Larson u detyrua të përdorte armën e shërbimit.

Larson punon prej 17 vitesh në Policinë e Plymouth dhe është një nga oficerët më të spikatur. Ai ishte caktuar në njësinë K9 që prej Marsit të vitit 2017. Qenin Nico kishte filluar ta stërviste që nga Gushti 2018.

Postime të ngjashme

Ministria e Mbrojtjes: Kina nuk do të kërkojë kurrë hegjemoni

R Zh

Gjermanët “marrin frymë”/ Aktivitetet që kanë nisur të rihapen

T E

Gati 70% e amerikanëve do të vaksinohen sapo t’u jepet mundësia

T E

Presidenti i Ukrainës vaksinohet për të hequr çdo dyshim

T E

Krizë e thellë në spitalet e Hungarisë, mijëra punonjës braktisin punën

T E

Vullkani më aktiv i Evropës shpërthen shtatë herë në dy javë, zonat përreth mbulohen nga hiri i zi

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...