Agjencia Zhurnal.mk
Maqedoni Rekomanduar Temë TOP LAJM

Mos figurimi i bullgarëve në regjistrim, shkas për bllokimin e Maqedonisë në rrugën drejt BE-së!?

Shkup, 2 mars – Zhurnal.mk – Në Maqedoni të Veriut tanimë ka filluar regjistrimi i popullsisë, ndërsa qytetarët mund të shprehin përkatësinë e tyre etnike dhe bindjen fetare, si dhe patundshmëritë e tyre.

Në regjistrimin e popullsisë në vendin tonë, në grafën etnike figurojnë gjithsej 7 kombe. Ato janë: Maqedonas, shqiptar, turk, serb, vlleh, rom dhe boshnjak.

Në grafën etnike siç mund të vëreni mungon përkatësia etnike bullgarë. E për këtë kanë reaguar ashpër përfaqësuesit politik të Bullgarisë të cilët thonë se kjo është diskriminim i popullit bullgar në Maqedoni dhe shkelje e të drejtave të njeriut, duke mos i dhënë mundësi të shprehë përkatësinë e tij etnike, shkruan Zhurnal.

Diplomatja bullgare Ekaterina Zaharieva ka dërguar akuza ndaj vendit tonë, duke thënë se në shekullin 21 është turp që qytetarëve bullgarë të mos u jepet e drejta të deklarojnë përkatësinë e tyre etnike.

Presidenti i Bullgarisë Rumen Radev madje ka bërë thirrje të mblidhet shërbimi i sigurisë së Bullgarisë, dhe të marin masa për t’i dalë në ndihmë popullit bullgar në Maqedoni.

Por a ishte i drejtë apo gabim ky veprim i ESHS-së për mos vendosjen e grafës etnike bullgare në listën e regjistrimit?

A thua vallë kjo përplasje rreth popullit bullgar në Maqedoni mund t’i ashpërsojë edhe më tej marrdhëniet mes dy vendeve?

Në lidhje me këtë, ish diplomati Muhamed Halili shprehet se mos vendosja e grafës etnike bullgare në listën e regjistrimit, është një gabim i Entit Shtetëror të Statistikave, dhe se kjo gjë mund përsëri të përmirësohet.

Anashkalimi i bullgarëve në regjistrim sipas tij, nuk është i rastësishëm.

“Asgjë nuk bëhet me rastësi. Në regjistrimin e deritanishëm kanë figuruar rreth 1500 bullgarë, është dashur të vendoset edhe grafa bullgare. Ekziston mundësia, edhe pse nuk është paraparë me ligj por aty ku shkruan “të tjerë”, të shkruhet bullgarë por për këtë duhet të jepen instruksione nga ESHS”, shprehet Halili për Zhurnal.

Halili më tej shton se ky “gabim” mund t’i kushtojë Maqedonisë me bllokim të rrugës evropiane nga ana e Bullgarisë.

“Pse nuk është vendosur nuk e di por megjithatë kjo mund t’i ashpërsojë edhe më tej marrdhëniet mes dy vendeve. Mendoj se është bërë gabim dhe kjo nuk ndihmon në zgjidhjen e mëtutjeshme të kontestit, i jepet shkas Bullgarisë që të hapë gojën dhe të thotë se janë të diskriminuar dhe nuk mund të shprehin identitetin e tyre kombëtar.

Kjo gjë ende ka kohë të përmirësohet sepse reagimi i Bullgarisë është shenjë se do ta pengojnë vazhdimin e rrugës së Maqedonisë drejt Bashkimit Evropian sepse nëse ti nuk i jep mundësi të shprehet, ai të bllokon edhe më tutje”, shprehet Halili për Zhurnal.

Ndryshe sot nuk mungoi dhe reagimi i krerëve shtetëror lidhur me akuzat nga Bullgaria.

Kryeministri Zoran Zaev dhe presidenti Stevo Pendarovski u shprehën se është e papranueshme që një shtet të përzihet në çështjet e brendshme të një shteti tjetër.

Pendarovski thotë se deri tani janë monitoruar nga Faktori Ndërkombëtar dhe asnjëherë nuk kanë patur vërejtje për shkelje të të drejtave të njeriut.

Por një gjë është e sigurtë, marrdhëniet mes dy vendeve nuk po gjejnë një dritë në fund të tunelit, dhe për Evropë, qytetarët duhet të presin edhe shumë kohë.//Zhurnal.mk

Postime të ngjashme

Shkupjani privohet nga liria për kontrabandim të emigrantëve

R Zh

Regjistrimi në Diasporë dukshëm më i ulët se sa ai para vendimit për shtyrje, kush i dëshpëroi!

R Zh

Mungesa e vaksinave ndërpret edhe fushatën e ndërgjegjësimit për vaksinim

R Zh

Tridhjetë ditë paraburgim për gjashtë të arrestuarit për tregti të paligjshme me 200 kilogram marijuhanë

R Zh

Sot 46 viktima dhe 687 raste të reja me COVID-19 në Maqedoni

R Zh

Qeveria demanton Milloshoskin: Zaevi dhe Spasovski nuk u kanë dhënë pasaporta pjesëtarëve të ISIS-it

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...