Motoristi nga Haraçina u përplas me veturë në Hasanbeg

Shkup, 19 gusht – Më datë 18.08.2024 në ora 07.10 në SPB Shkup është raportuar se në rrugën “Finska” në Shkup ka ndodhur një aksident trafiku në mes të një motori “Ducati” me targa të Shkupit, i drejtuar nga A.B (43) nga fshati Haraçinë, Shkup dhe automjetit “Mercedes”, poashtu me targa të Shkupit, i drejtuar nga B.S (61) nga Shkupi.

Në aksident ka pësuar lëndime të rënda motoçiklisti, që janë konstatuar në Kompleksin Klinikë “Nënë Tereza”. Kontroll në vendin e ngjarjes është kryer nga ekipi inspektues nga SPB Shkup.