Anëtarët e Ministrisë së Punëve të Brendshme serbe gjetën dhjetë kokteje molotov në një makinë në qendër të Beogradit të premten.
Rreth orës 15:20, punonjësit e policisë gjetën një makinë tip Citroen me targa gjermane të parkuar në cep të rrugëve Starine Novaka dhe Ilija Garashanina.
Në kontrollin e automjetit nga efektivët e ekipit të kundër-sabotazhit të Brigadës së Policisë janë gjetur dy thasë me dhjetë kokteje molotovi, 19 shkopinj, 31 maska“fantomike” dhe doreza mbrojtëse.
Automjeti dhe sendet janë transportuar në Drejtorinë e Policisë së Beogradit, ku policët do të vazhdojnë punën për përcaktimin e identitetit të personave të dyshuar për përgatitjen dhe shkaktimin e trazirave të mëdha.
Për nesër, 15 mars, në Serbi janë paralajmëruar protesta të mëdha.