Agjencia Zhurnal.mk
Maqedoni TOP LAJM

MPB-ja po ndërmerr masa për zbardhjen e rastit së kremtimit të ditëlindjes së Ahmetit

Shkup, 5 janar, Zhurnal.mk – Në MPB sot arriti denoncim për rastin e kremtimit të djeshëm të ditëlindjes së kryetarit të Bashkimit Demokratik për Integrim, Ali Ahmeti në ambientet e reja të Ministrisë për Sistem Politik, ku të pranishmit nuk mbanin maska ​​mbrojtëse, për çka tashmë është duke vepruar dhe për çka është njoftuar edhe prokurori publik. Duke ndjekur udhëzimet e marra prej tij, MPB-ja po merr masa dhe aktivitete për zbardhjen e rastit.

Sipas kompetencave të tyre, thonë nga MPB-ja, Inspektorati Shtetëror i Punës tashmë ka njoftuar për inspektim të jashtëzakonshëm në lidhje me respektimin e masave, rekomandimeve dhe vendimeve të Qeverisë së Republikës së Maqedonisë të Veriut për të mbrojtur nga përhapja e infeksionit të koronavirusit tek punonjësit e këtij institucioni.

“MPB-ja, nga ana tjetër, në përputhje me kompetencat e saj, vepron sipas denoncimit të marrë gjatë ditës së sotme, në lidhje me çka është njoftuar prokurori publik dhe duke ndjekur udhëzimet e marra prej tij, në përputhje me Vendimin për ndryshimin dhe plotësimin e Vendimit për rekomandimet parandaluese, masat e përkohshme, masat e dedikuara, protokollet e synuara, planet dhe algoritmet për veprim për mbrojtjen e shëndetit të popullatës nga sëmundja ngjitëse KOVID-19, e shkaktuar nga virusi SARS COV 2, rastet dhe periudha e zbatimit të tyre (“Gazeta Zyrtare e RMV”, nr.298 nga data 16.12.2020), ndërmerr masa dhe aktivitete për zbardhjen e plotë të rastit, pas çka do të vijojnë parashtresa adekuate”, deklaroi për MIA-n, shefja e departamentit për informim publik në MPB, Suzana Pranjiq Talevska.

Postime të ngjashme

Bilall Kasami pret në takim ambasadorin e OSBE-së, Klemens Koja

Bexhet Musliu

Sela: Ikja e Mijallkovit një skenar i Zaev për të fshehur dënimin e rastit “Mostra”

Bexhet Musliu

Çun Lajçi i reagon edhe me video, Grubit: Turp për ju me fëlliqë emrin tim!

Bexhet Musliu

Joveski: Ka mundësi të ndryshohet masa e paraburgimit shtëpiak

T E

Palmer: Interesat amerikane në Ballkan, të pandryshuara

T E

Mickoski: Do ta mposht koalicionin e krimit

T E

This website uses cookies to improve your experience. We'll assume you're ok with this, but you can opt-out if you wish. Accept Read more...