190
Shkup, 15 korrik – Ministria e shëndetësisë hapi një linjë telefonike direkte për qytetarët për të komunikuar me ministrin Taravari.
“Të gjithë qytetarët kanë mundësi të ndajnë propozimet e tyre për kujdesin shëndetësor, të raportojnë parregullsi, të lavdërojnë punën e punëtorëve shëndetësorë dhe të propozojnë ide për reforma në numrin e telefonit – 072/899 001”, theksohet në kumtesën e sotme të Ministrisë së Shëndetësisë.
Siç shtohet në kumtesën, qytetarët kanë mundësi edhe për komunikim personal me ministrin gjatë ditës së hapur, çdo të mërkurë nga ora 13:30 deri në 16:00.