Mungon një i akuzuar, dështon gjykimi ndaj Milaim Zekës dhe të tjerëve

Mungesa e të akuzuarit Edmond Kërliut ka bërë që të dështoj gjykimi për mashtrim, shmangie nga tatimi dhe pastrim parash ndaj tij, ish-deputetit Milaim Zeka si dhe Ilir Krasniqit.

 

Mbrojtësi i të akuzuarit Kërliu, avokati Kujtim Kërveshi deklaroi se asnjëri prej tyre nuk kishin pranuar ftesë për seancë.

Avokati Kërveshi shtoi se në gjykim ka prezantuar pasi që sekretarja juridike e trupit gjykues e kishte njoftuar përmes telefonit.

Seancat e radhës për këtë rast janë caktuar për 16 dhe 17 shtator 2021, në ora 09:30.

Ndryshe, Gjykata e Apelit, në shkurt të këtij viti kishte refuzuar ankesat e avokatëve mbrojtës të ish-deputetit Milaim Zeka, Edomond Kërliut dhe Ilir Krasniqit lidhur me hedhjen poshtë të aktakuzës ndaj tyre.

Apeli kishte lënë në fuqi vendimin e gjykatës së shkallës së parë, e cila gjithashtu kishte refuzuar ankesat e mbrojtësve të cilët kishin kërkuar hedhjen e aktakuzës.

Deputeti i Kuvendit të Kosovës, Milaim Zeka, në seancën fillestare të mbajtur më 29 tetor të vitit të kaluar, ishte deklaruar i pafajshëm për veprat penale të mashtrimit, shmangies nga tatimi dhe pastrim të parave.

Të pafajshëm ishin deklaruar edhe dy të akuzuarit e tjerë, Ilir Krasniqi dhe Edmond Kërliu.

Prokuroria Speciale ka ngritur aktakuzë më 28 gusht 2018, me pretendimin se të pandehurit Ilir Krasniqi, Milaim Zeka dhe Edmond Kërliu kanë kryer disa vepra penale.

Ilir Krasniqi dhe Milaim Zeka akuzohen se prej vitit 2016 deri në mars te vitit 2017 me qëllim të përfitimit të kundërligjshëm pasuror më 2 qershor 2016, kishin krijuar biznesin “Ilir Krasniqi & Milaim Zeka Op”, si agjenci punësimi.

Sipas aktakuzës, të pandehurit thuhet se kishin paraqitur fakte të rreme kinse për punësimin e qytetarëve të Kosovës në Gjermani përmes emisionit “Pa Rrotlla” duke joshur qytetarët që të aplikonin në zyrat e tyre në lagjen “Pejton” të Prishtinës.

Tutje, pretendohet se në këtë rast ishte përfshirë edhe bashkëshortja e të pandehurit Ilir Krasniqi, Fexhrije Krasniqi, e cila ishte marrë me përgatitjen e dokumentacionit për punësim në Gjermani në biznesin e saj për rregullimin e kopshteve, raporton “Betimi për Drejtësi”.

Krasniqi dhe Zeka akuzohen se kishin mashtruar 900 aplikues për viza pune e që me qëllim iu kishin marrë shuma prej 500 deri në 3050 euro duke i ndarë proporcionalisht mes vete.

Kurse, thuhet se pas fillimit të hetimeve 354 personave iu janë kthyer mjetet në vlerë prej 83,850 euro, kurse 546 personave të tjerë nuk u janë kthyer mjetet në shumë prej 261,850.00 euro.

Me këtë, Krasniqi dhe Zeka akuzohen se në bashkëkryerje kanë kryer veprën penale “mashtrimi” nga neni 335 i KPRK-së.

Ndërsa, gjatë periudhës kohore prej 2 qershorit 2016 e deri më 31 dhjetor 2017, sipas aktakuzës, si bashkëpronarë të biznesit të përmendur me dashje direkte u janë shmangur obligimeve tatimore ndaj Administratës Tatimore të Kosovës me ç’rast akuzohen se kanë kryer veprën penale “shmangia nga tatimi”.

I pandehuri Ilir Krasniqi akuzohet po ashtu se me qëllim të fshehjes së burimeve të mjeteve financiare të fituara nga mashtrimi me viza pune dhe shmangies nga tatimi më 19 nëntor 2016, kishte bërë transaksione të dyshimta.

Me ç’rast, ai akuzohet se ka kryer veprën penale “pastrimi i parave”, nga neni 308 i KPRK-së.

Ndërsa, të pandehurit Zeka dhe Kërliu akuzohen edhe për veprat penale “pastrim i parave”, mashtrimi dhe për veprën penale “shmangie nga tatimi”.

Kurse, i pandehuri Zeka akuzohet se si pronar i NSH Qendra Mediale “Mozaiku i Kosovës” me dashje direkte të shmangies së obligimit tatimor ndaj ATK-së kishte kryer veprën penale “shmangia nga tatimi”.

Related posts

Qeveria u përgjigjet kritikave për mungesë platforme në dialog: Ajo merr kuptim atëherë kur ka agjendë të dakorduar

D V

Mbi 260 mijë vaksina kundër Kovid-19 janë dhënë deri tani në Kosovë

N E

NBC: SHBA do të dërgojë në Kosovë për verifikim, afganët që dyshohet se kanë lidhje me talibanët dhe grupet terroriste

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com