Agjencia Zhurnal.mk
Kosovë

Mustafa: Çështjen e Kosovës nuk e zgjidhin as katër apo 400 propozime të Kurtit, pa SHBA-të është askushi në dialog

Kryeministri i Kosovës, Albin Kurti qëndroi gjatë dy ditëve të kaluara në Bruksel, e gjatë ditës së djeshme ky i fundit realizoi takoi edhe presidentin serb, Aleksandar Vuçiq.

Takimi Kurti-Vuçiq erdhi në kuadër të rifillimit të dialogut, të ndërmjetësuar nga Bashkimi Evropian.
Por pas zhvillimeve të djeshme një deklaratë mjaftë e ashpër erdhi sot nga Emisari Special i Bashkimit Evropian për dialogun Kosovë-Serbi, Miroslav Lajçak.

Duke u deklaruar lidhur me mos-liberalizimin e vizave për qytetarët e Kosovës u raportua se Lajçak tha se nëse kosovarët nuk i besojnë Bashkimit Evropian, të shkojnë diku tjetër.

Kjo u theksua nga hulumtuesi në Forumin Ballkanit, Samir Behariq i cili rrëfeu momentin kur ai pyeti Lajçakun se pse liderët e Ballkanit duhet t’i besojnë BE-së, duke ditur faktin se pavarësisht premtimeve, Kosova nuk i janë liberalizuar vizat.

Lidhur me këto zhvillime në kuadër të dialogut, lajmi.net ka kontaktuar ish-liderin e Lidhjes Demokratike të Kosovës, Isa Mustafa.

Mustafa deklaroi se nyje kyçe e dialogut Kosovë-Serbi janë Shtetet e Bashkuara të Amerikës.
Sipas tij është iluzore të paramendohet dialogu pa involvimin e drejtpërdrejt amerikan dhe pa marrëveshje paraprake me ta për çdo çështje.

“Nuk e zgjidhin çështjen e Kosovës vendet që s’e njohin, por ato që e kanë njohur”, tha Mustafa.

Ai madje tha se çështjen e Kosovës nuk e zgjidhin as katër apo 400 propozime të Albin Kurtit.

“Nuk e zgjidhin katër propozimet dhe as katërqind të Albin Kurtit, por vetëm propozimet që bashkëkordinohen me aleatët tanë kryesor”, shtoi ai.

Isa Mustafa theksoi se kur je pa amerikanët, je askushi në dialog.

“Kur je pa amerikanët, je askushi në dialog. Prandaj sillen kështu”, tha ai.

Pas takimit të djeshëm Kurti-Vuçiq ku të pranishëm ishin edhe përfaqësuesit e Bashkimit Evropian, Josep Borrell dhe Miroslav Lajçak, Kurti deklaroi se ka katër propozime sa i përket zhvillimit të dialogut.
Ndërsa ishte vetë presidenti serb, Aleksandar Vuçiq i cili tha se Kurti pyeti atë disa herë radhazi se kur do ta njohë shtetin e Kosovës, por që ky i fundit theksoi kurrë.

Duhet përkujtuar që Kurti disa herë radhazi pati deklaruar se dialogu nuk është në top-prioritetet e tij, e që shkuarja e djeshme në Bruksel si dhe takimi me Vuçiq u komentua me deklarata të shumta nga përfaqësuesit politik dhe ata të shoqërisë civile.

Madje Kurti më parë pati thënë se nuk do të takohet asnjëherë me Vuçiq-in, por një gjë e tillë doli të jetë ndryshe.

Ritakimet në kuadër të zhvillimit të dialogut është paraparë të zhvillohen para datës 25 korrik të këtij viti.

Ndryshe në raportimin e fundit Hulumtuesi i Forumit Ballkanik, Samir Behariq theksoi se Lajçak tha se është “trend” të kritikohet Bashkimi Evropian sa i përket vizave, por që sipas tij liderët e Kosovës duhet të shkojnë tek vendet që po e bllokojnë procesin dhe të shohin se si mund t’ia arrijnë qëllimit.

Postime të ngjashme

Ambasadorja sllovene: Pres me padurim thellimin e bashkëpunimit ndërmjet dy shteteve

D V

COVID-19, 366 raste aktive në Kosovë

D V

Bashkatdhetarët për në Kosovë, pritjet në pikë-kalimin kufitar Merdare deri në tri orë

D V

CNN i bën jehonë lajmit se Biden do të pranojë medalje presidenciale në Kosovë

D V

Konjufca: Ndajmë dhembjen dhe keqardhjen e thellë me Turqinë mike për jetët e humbura

D V

“Faleminderit Kroaci”: Ngjyrat e flamurit të Kroacisë ndriçojnë ndërtesën e Qeverisë së Kosovës

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...