Najada Çomo dorëzon mandatin e deputetes

Pas shtimit të rasteve të reja me Covid-19 në vendin tonë si pasojë e variantit “Delta”, kryemministri Rama ka zbuluar se Najada Çomo ka dorëzuar mandatin e deputetes.

 

Shefja e shërbimit infektiv ka zgjedhur të vijojë punën e saj në shërbimin infektiv pasi është rritur shifra e personave të shtruar. Deri tani numërohen 90 të shtruar, disa prej të cilëve ndodhen në terapinë intensive.

Rama: Jam i prekur nga komunikimi me Najada Çomon, ajo më kërkoi para pak kohe të pranoja tërheqjen e saj nga roli i ri i deputetes duke ndjerë shumë të fortë detyrimin për të mos u ndarë nga ekipi i saj kur varianti Delta i virusit arriti të rimbushë shtretërit e pavionit të terapisë intensive. E falenderoj për këtë shembull kuptimplotë dhe i them sot një faleminderit shumë të madhe. Lufta nuk ka mbaruar, vjeshta dhe dimri mund të jenë të vështirë.

Fjalën e tij përmbyllëse të mandatit të dytë qeverisës, kryeministri Edi Rama e nisi me dy sfidat e mëdha të këtij mandati, tërmetin tragjik të 26 nëntorit 2019 dhe pandeminë e koronavirusit.

Rama: Sot zhvillojmë mbledhjen e parë në këtë që nga fillimi i pandemisë kur kjo qeveri është në finishin e 4 vjeçarit të saj. Duke ju falenderuar ju dhe të gjithë të tjerët që kontribuan në këtë tryezë që prej shtatorit, dua të them disa fjalë edhe në sytë e opinionit publik.

Mbyllet me një notë pozitive puna e një mandati të vështirë me tërmetin dhe pandeminë. Jam krenar. Kemi marrë një avantazh të konsiderueshëm dhe përtej çdo konsiderate, lëvdata apo kritike se si i kemi menaxhuar këto dy kriza, kjo do të jetë një nga gjurmët e pashlyeshme të kësaj qeverie.

Fushata e vaksinimit po modern valën e tretë. Fatkeqësisht kemi fatalitete dhe sot që flasim. Ato janë një mësim domethënës për rëndësinë jetike të vaksinimit. Askush prej atyre që sot marrin frymëmarrje të asistuar nga respiratorët nuk është i vaksinuar. Ndërkohë që disa të vaksinuar nuk shfaqën shenja rëndimi të gjendjes. Gjithashtu për skeptikët e vaksinës Sinovac që kërkojnë medoemos Pfizer, mbase vlen e dhëna se në spital ndodhen gjysmë për gjysmë të vaksinuarit me Pfizer dhe Sinovac.

I bëj thirrje të mos humbasin kohë me mendimin e gabuar që Pfizer bën, Sinovac s’bën por të përfitojnë një orë e më parë nga vaksina. Vaksinohuni! Teoritë e konspiracionit e lënë trupin e njeriut të paarmatosur. Nëse sot jemi më të mbrojtur, ka vetëm një arsye, numri i lartë i të vaksinuarve në Shqipëri. Të gjitha studimet thonë që nuk ka imunitet natyral afatgjatë ndaj këtij virusi afatgjatë.

Related posts

Kryeministri Edi Rama viziton 121 refugjatët afganë në Durrës, shpërndan lodra për fëmijët

D V

Grupi për PD: Vendimet në Kuvendin Kombëtar anti-statutore

D V

Rama në Liban për riatdhesimin e 19 shqiptarëve

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com