Agjencia Zhurnal.mk
Bota

Navalny në burg, Prokuroria ruse kërkon që opozitari të shkojë në qeli

Prokuroria ruse ka kërkuar këtë të hënë masën arrest me burg për opozitarin Aleksei Navalnji. Organi i akuzës në Rusi tha se mbështeste një kërkesë nga autoriteti i burgut të vendit për të shndërruar dënimin me kusht të Aleksei Navalny në arrest me burg.

Politikani rus po mbahet në kushtet e paraburgimit, i akuzuar për shkelje të një dënimi me kusht në një çështje që ai thotë se është e trilluar nga qeveria, por që rrezikon të shkojë në burg për një afat prej 3 vjet e gjysmë.

Ndërkohë, Komiteti Hetimor i Rusisë ka kërkuar nga një gjykatë në Moskë që të vendosë masën e sigurisë arrest shtëpie për sekretaren e shtypit Navalnyt, Kira Yarmysh.

Komiteti i kërkoi gjykatës ta miratojë këtë masë me arsyetimin se Yarmysh kishte shkelur masat shëndetësore dhe të sigurisë të miratuara për të ndaluar përhapjen e koronavirusit duke bërë thirrje për protesta masive për të mbështetur kritikun e Kremlinit dhe fushatën e tij anti-korrupsion.

Edhe gruaja e opozitarit Navalnji ka pasur probleme me drejtësinë. Një gjykatë ruse e ka gjobitur Yulia Navalnaya për pjesëmarrjen në tubime të paligjshme.

Më herët, në Rusi ka pasur protesta të mëdha në qytete të ndryshme. OVD-Info, një grup monitorimi, tha se 5,135 njerëz ishin arrestuar në këto tubime.

Sipas OVD-Info, 91 gazetarë arrestuan nga policia në 31 qytete.

“Policia ndërhyri qëllimisht në punën e shtypit që donte të raportonte për protestat,” tha OVD-Info në deklaratë.

Kremlini ndërkohë tha se një numër i madh i njerëzve që morën pjesë në protestat e 31 janarit ishin “huliganë dhe provokatorë”.

Postime të ngjashme

Ushtria amerikane do të largohet deri në fund të vitit nga Iraku

D V

Nju Jorku rrit përpjekjet për nxitje të vaksinimit

D V

Partitë nga Republika Sërpska bojkotojnë institucionet e Bosnjës për shkak të mohimit të gjenocidit

D V

OKB bën thirrje për ulje të tensioneve në Tunizi

D V

Dy gra zyrtarizojnë martesën në Mal të Zi

D V

Protestuesit bërtasin “Vdekje diktatorit” në Teheran

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...