Presidentja Vjosa Osmani e ka përballur të hënën homologun serb, Aleksandar Vuçiq, me krimet e Serbisë gjatë luftës në Kosovë.
Dhunimet, krimet dhe masakrat serbe ishin ndër çështjet që Osmani i përmendi në Këshill të Sigurimit, e përcjellëse me të ishte edhe Vasfije Krasniqi-Goodman, e mbijetuar e dhunës seksuale.
Ajo gjithashtu, i kërkoi Vuçiqit që të ndalej për një moment dhe t’i kërkojë falje viktimave të regjimit të Milloshoveqit.
“Viktimat e atij regjimi janë këtu, ndalu një moment dhe kërkoju falje nëse ka sadopak njerëzillëk në vete”, ishin ndër fjalët e Vjosës drejtuar homologut serb.
Por, siç duket ky moment ka zgjuar vëmendjen e shumtë edhe tek figurat e njohura dhe ishte po ashtu edhe babai i Rita Orës, Besnik Sahatçiu i cili e shpërndau këtë moment të presidentes Osmani në rrjetin social Instagram.
Sahatçiu e duartrokiti presidenten Osmani për ballafaqimin që i bëri ajo presidentit serb të hënën në OKB.