Agjencia Zhurnal.mk
Bota

Ndihmësit e Bidenit shqyrtojnë mundësitë për mbyllje të burgut Guantanamo

Administrata e presidentit amerikan, Joe Biden, ka nisur një rishikim zyrtar për të ardhmen e burgut ushtarak në Guantanamo Bay në Kubë, me qëllim të rikthimit të përpjekjeve për të mbyllur këtë objekt kontrovers, ka thënë të premten një zyrtar i Shtëpisë së Bardhë.

Ndihmësit e përfshirë në diskutimet e brendshme janë duke konsideruar mundësinë e një urdhri ekzekutiv të nënshkruar nga presidenti amerikan, Joe Biden në javët apo muajt e ardhshëm, kanë thënë dy zyrtarë të afërt me këtë çështje për agjencinë e lajmeve, Reuters, duke dhënë shenja se do të ketë përpjekje për të larguar atë që mbrojtësit e të drejtave të njeriut, e cilësojnë njollë në imazhin global të Shteteve të Bashkuara.

“Ne jemi duke nisur një proces në Këshillin për Siguri Kombëtare për të analizuar trashëgiminë e lënë nga administratat e kaluara, dhe në linjë me administratën Biden për të mbyllur Guantanamon”, ka thënë zëdhënësja e këtij Këshilli, Emily Horne për Reuters.

Megjithatë, kjo iniciativë nuk pritet të mbyllë këtë objekt shumë shpejt.

I krijuar për të dërguar të dyshuarit e jashtëm pas sulmeve të 11 shtatorit të vitit 2001 në Nju Jork dhe Uashington, ky objekt është simbol i praktikave të ashpra të trajtimit të të burgosurve në kuadër të luftës së SHBA-së ndaj terrorizimit.

Ndikimi i menjëhershëm mund të jetë që të krijohet në formë e mbylljes së këtij burgu, siç pati vendosur ish-presidenti amerikan, Barack Obama, politikë e kthyer mbrapsht nga paraardhësi i Bidenit, Donald Trump.

Aktualisht në këtë burg janë 40 persona, shumica prej të cilëve mbahen aty për dy dekada, pa u akuzuar apo gjykuar.

Postime të ngjashme

Rriten rastet me COVID-19 në Kinë

D V

Izraeli fajëson Iranin për sulmin ndaj një cisterne të naftës

D V

Disa të vrarë në një sulm gjatë një funerali në Irak

D V

CDC: Delta ka ndryshuar luftën ndaj koronavirusit

D V

OBSH:COVID-19 duhet të ndalet para se të dalin variante më vdekjeprurëse

D V

Disa persona të vdekur nga vërshimet në Bangladesh

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...