Agjencia Zhurnal.mk
Bota

“Ndihmohen nga COVID-19”, Parisi dhe Cyrihu bëhen qytetet më të shtrenjta në botës për të jetuar

Parisi dhe Cyrihu janë bashkuar me Hong Kongun për t’u bërë qytetet më të kushtueshme në botë pasi pandemia COVID-19 ka ndikuar në çmimet e artikujve të përditshëm.

Sipas mediave të huaja, përcjell Telegrafi, kryeqyteti francez dhe qyteti zviceran u ngjiten mbi Singaporin dhe Osakën për të kërkuar një vend të parë të përbashkët me Hong Kong në Indeksin e fundit të Kostos së Jetesës nga Njësia e Inteligjencës e The Economist (EIU).

Indeksi krahasoi çmimet e 138 mallrave dhe shërbimeve nga rreth 130 qytete në shtator të vitit 2020 dhe zbuloi se çmimet mesatarisht u rritën 0.3 për qind gjatë vitit të kaluar.

Por rajonet u ndikuan ndryshe.

Në përgjithësi, qytetet në Amerikë, Afrikë dhe Evropën Lindore janë bërë më pak të shtrenjta ndërsa ato në Evropën Perëndimore janë bërë më të kushtueshme.

Kjo pjesërisht i shpjegohet rritjes së vlerës së monedhës evropiane ndaj dollarit amerikan.

Gjeneva (7) dhe Kopenhaga (9) janë dy qytetet e tjera evropiane që përfshihen në top 10 me Singaporin, Tel Aviv, Osaka, New York dhe Los Angeles duke e kompletuar atë.

Ndërkohë Singapori dhe Osaka në Japoni, të cilat vitin e kaluar zunë vendin e parë me Hong Kong, janë bërë më pak të kushtueshme për shkak të një eksodi të punëtorëve të huaj që ka çuar në një rënie të kërkesës dhe kështu të çmimeve.

Në Japoni, qeveria gjithashtu ka subvencionuar kosto të tilla si transporti publik.

Indeksi zbuloi se çmimet u ndikuan nga pesë trende kryesore: luhatjet e monedhës, problemet e zinxhirit të furnizimit si mungesa e mallrave të caktuara përfshirë makaronat dhe letra tualeti, veprimet e ndërmarra nga qeveritë si kontrollet e çmimeve, qasja më paraprake e konsumatorëve mbi frikën se të ardhurat e tyre mund të rrezikohen, dhe ndryshimet në stilin e jetës.

Postime të ngjashme

Putin nënshkruan ligjin që mbron të dhënat e zyrtarëve të sigurisë

Dafina Vidishiqi

30 mijë fëmijë rrezikojnë të vdesin nga uria në Tigray të Etiopisë

Dafina Vidishiqi

Mbretëresha i bëri të qeshnin udhëheqësit e G7: A duhet të dukeshit sikur po kënaqeni gjatë pozimit?

Dafina Vidishiqi

Putin: Marrëdhëniet me SHBA-në në nivel më të keq në vitet e fundit

Dafina Vidishiqi

G7-ta sot pritet ta hartojë planin global anti- COVID

Dafina Vidishiqi

Kanadezët marshojnë kundër islamofobisë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...