Agjencia Zhurnal.mk
Maqedoni

Ndotja në Shkup, digjen deponitë e egra

Shkup, 14 shtator, zhurnal.mk – Është djegur një deponi e egër në komunën Karposh të Shkupit. Zjarri ka shkrumbuar mobile të vjetra, goma, shishe plastike, mbeturina ndërtimore, të cilat ishin të hedhura vetëm disa metra larg sallës “Boris Trajkovski”. Për shkak të djegies së deponisë së egër, gjysma e Karposhit ishte nën tym këtë mëngjes. Nga Komuna e Karposhit pohojnë se e kanë pastruar deponinë dhjetë herë.

Komuna e Karposhit:

“Me siguri bëhet fjalë për hedhje individuale dhe djegie të mbeturinave, që duhet të vërtetohet nga shërbimet kompetente”

Ndërsa vendi nuk pastrohet nga deponitë ilegale, na pret një sezon i ri i ajrit të ndotur, nivele të larta të grimcave PM10. Disa organizata të shoqërisë civile njoftuan sot se do të paraqesin një sërë propozimesh në Qytetin e Shkupit për menaxhimin e ndotjes së ajrit siç janë vendosja e matësve për ndotje, të cilët do të jenë në kompetencat e qytetit, vendosja e fotovoltaikëve për prodhim të energjisë diellore, propozime për përdorim më të madh të biçikletave si mjete transportuese.

“Nuk kemi ndonjë studim gjithëpërfshirës deri më tani në të cilin ky hulumtim është kryer dhe ku është thënë objektivisht se ai është burimi i ndotjes, sepse ne e dimë se si funksionon klientelizmi në Maqedoni”, tha Dragana Vellkovska, këshilltare në Qytetin e Shkupit nga “E Majta”.

Nga Qyteti i Shkupit nuk u përgjigjën se sa mjete kanë paraparë për këtë vit për ballafaqimin me ndotjen e ajrit.

Postime të ngjashme

Shkupjani privohet nga liria për kontrabandim të emigrantëve

R Zh

Regjistrimi në Diasporë dukshëm më i ulët se sa ai para vendimit për shtyrje, kush i dëshpëroi!

R Zh

Mungesa e vaksinave ndërpret edhe fushatën e ndërgjegjësimit për vaksinim

R Zh

Tridhjetë ditë paraburgim për gjashtë të arrestuarit për tregti të paligjshme me 200 kilogram marijuhanë

R Zh

Sot 46 viktima dhe 687 raste të reja me COVID-19 në Maqedoni

R Zh

Qeveria demanton Milloshoskin: Zaevi dhe Spasovski nuk u kanë dhënë pasaporta pjesëtarëve të ISIS-it

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...