Pasi ndryshimet për krimet zgjedhore hynë në kodin penal aty ku SPAK do jetë hetuesi, u caktuan dhe prokurorët që do të merren me këtë çështje.
Prokurorët e SPAK që do merren me krimet zgjedhore: Klodjan Braho, Sotir Kllapi, Dritan Prençi, Enkeleda Millonai. Bëhet e ditur se drejtues i këtij sektori do të jetë prokurori Edvin Kondili.
Ky ndryshim në ligjin për SPAK erdhi pas marrëveshjes së arritur mes PS-së dhe PD-së në 5 Qershor, ndërkohë që Prokuroria e Posaçme do të hetojë vetëm korruspsionin aktiv në zgjedhje, jo atë pasiv.
SPAK dhe Prokurori i Përgjithshëm detyrohen të raportojnë në KQZ, e cila do të informohet për hetimet e krimit zgjedhor, por pa cënuar sekretin. Po ashtu është miratuar amnistia penale e atyre që bashkëpunojnë për zbulimin e krimeve zgjedhore.
