Agjencia Zhurnal.mk
Shqipëri

Ndryshimet në Kodin Zgjedhor, reagon Unioni i BE-së në Shqipëri

Unioni evropian në Shqipëri ka reaguar pasi Kuvendi miratoi sot ndryshimet në Kodin Zgjedhor, që u bënë pa konsensusin e opozitës jashtëparlamentare.

Sipas Unionit evropian, ndryshimet e bëra “nuk kanë lidhje me zbatimin e rekomandimeve të OSBE / ODIHR mbi reformën zgjedhore siç referohet në Konkluzionet e Këshillit të Marsit”. Ndërsa shprehet keqardhje për mosarritjen e një kompromisi në Këshillin Politik para votimeve në Parlament, në deklaratë thuhet se  dialogu politik në vend duhet të përmirësohet.

“Ne inkurajojmë të gjithë palët e interesuara të mbajnë fokusin në zbatimin e reformave të nevojshme për vendin për të përparuar në rrugën e integrimit në BE, duke përfshirë reformat e parashikuara në marrëveshjen e 5 qershorit”, thuhet mes të tjerash në deklaratë.

“Ne marrim parasysh miratimin nga Parlamenti të ndryshimeve të mëtejshme në kodin zgjedhor. Ne kujtojmë se këto nuk kanë lidhje me zbatimin e rekomandimeve të OSBE / ODIHR mbi reformën zgjedhore, siç referohet në Konkluzionet e Këshillit të Marsit. Na vjen keq që nuk u arrit asnjë kompromis në Këshillin Politik, para se të votohen ndryshimet në Parlament. Megjithë rezultatin pozitiv të marrëveshjes për rekomandimet e OSBE / ODIHR-it të arritura në 5 qershor 2020, dialogu politik në vend duhet të përmirësohet. Ne inkurajojmë të gjithë palët e interesuara të mbajnë fokusin në zbatimin e reformave të nevojshme për vendin për të përparuar në rrugën e integrimit në BE, duke përfshirë reformat e parashikuara në marrëveshjen e 5 qershorit. Kjo do të prezantojë standarde më të larta të integritetit dhe transparencës në procesin zgjedhor, i cili është thelbësor për të ardhmen politike të vendit”, thuhet në deklaratë. /rtsh.al

Postime të ngjashme

Edi Rama: Partia Socialiste merr 74-78 mandate

N E

Edi Rama prezenton masterplanit e portit të Durrësit

N E

Monika Kryemadhi: Emigrantët po kthehen të votojnë për ndryshim

N E

Trupat dhe tanket amerikane zbarkojnë në Shqipëri

N E

Basha: Rama e ka kuptuar se shumica dërrmuese e shqiptarëve duan ndryshim!

N E

ish-ambasadori Islam Lauka: Shqiptarët nuk kanë fuqi për tu bashkuar

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...