Maqedoni

Nënshkruhet marrëveshje për planin e ri urbanistik të Shkupit

Zhurnal Ads

Shkup, 21 shtator – Zhurnal.mk – Me nënshkrimin e marrëveshjes së sotme ndërmjet Qytetit të Shkupit, Ministrisë së Transportit dhe Lidhjeve dhe Agjencisë për Planifikim Hapësinor, zyrtarisht fillon procesi i përgatitjes së Planit të ri të Përgjithshëm Urbanistik të Qytetit të Shkupit.

“Për shkak se bëhet fjalë për një proces kompleks dhe gjithëpërfshirës, ​​PPU-ja e re e Qytetit të Shkupit 2022-2032 do të përpunohet me mbështetjen financiare të Ministrisë së Transportit dhe Lidhjeve dhe në përgatitjen e tij do të përfshihet drejtpërdrejt Agjencia për Planifikim Hapësinor me mbështetjen e një rrethi më të gjerë të ekspertëve nga fusha të ndryshme, komuniteti akademik, sektori joqeveritar, si dhe nga qytetarët si individë drejtpërdrejt ose përmes njësive të vetëqeverisjes lokale. Plani i Përgjithshëm Urban i Qytetit të Shkupit është një plan strategjik i zhvillimit me elemente të përgjithshme të zhvillimit hapësinor për një periudhë prej një dekade. Si i tillë, miratohet në kushtet e një procesi krijues të planifikimit dhe me pjesëmarrjen e të gjitha subjekteve dhe institucioneve në territorin e fushës”, deklaroi kryetari i Shkupit, Petre Shilegov.

Plani i përcakton përdorimet themelore të synuara të zonave, i paraqet drejtimet kryesore të zhvillimit dhe e rregullon infrastrukturën primare.

“Si kryetar i Komunës, unë personalisht angazhohem për zgjerimin racional, të kontrolluar dhe funksional të Shkupit në mënyrë që të siguroj një zhvillim të qëndrueshëm; planifikimin vizionar të infrastrukturës së trafikut, si një element themelor në komunikimin hapësinor; planifikim i duhur i infrastrukturës komunale, posaçërisht nga aspekti i infrastrukturës për pranim me selektim, riciklim dhe asgjësim të mbetjeve të ngurta dhe të tjera; si dhe rikonstruimin e hapësirave të ndërtuara dhe blloqeve në hapësira me standard më të lartë komunal dhe ambiental”, tha Shilegov, duke shtuar se në vizionin e tij ai e sheh Shkupin si një qytet të gjelbër.

Beson se gjatë përgatitjes së PPU-së së re, do të merren parasysh mundësitë për eliminimin e disa mangësive në PPU-së aktuale dhe atë të mëparshme.

Ministri i Transportit dhe Lidhjeve, Bllagoj Boçvarski theksoi se Plani i Përgjithshëm Urban është një dokument i rëndësishëm për rritjen dhe zhvillimin e ardhshëm të Shkupit, por edhe për jetën njerëzore të qytetarëve.

Ai shtoi se plani do të punohet për tre vjet me rregullore, rregulla dhe afate të përcaktuara në mënyrë rigoroze se si do të zhvillohet procesi.

Shilegovi në përgjigjen e pyetjeve të gazetarëve, theksoi se ata tani janë duke miratuar Plan të Përgjithshëm Urban në mënyrë që t’i vendosin kornizat e planifikimit urban në 10 vitet e ardhshme. Ajo që po ndodh de fakto në terren, thotë ai, është përmes realizimit të PPU-së për të krijuar hapësirë ​​për zhvillimin e planifikuar, urban dhe cilësor të qytetit në 30 vitet e ardhshme.

Lidhur me planin për “Rasadnik”, Shilegov beson se nuk i është kushtuar vëmendje e mjaftueshme miratimit të PPU-së ekzistuese, sipas të cilës, siç theksoi ai, mundësohet ky lloj i urbanizimit.

“Ne si Qytet kërkojmë një reduktim shumë më serioz sesa ajo që u parashikua në ‘Rasadnik’. Atje, projeksioni fillestar ishte më shumë se 400 mijë metra katrorë hapësirë ​​jetese për të ashtuquajturin zhvillimi. Ne e kemi zvogëluar atë seriozisht, unë jam duke folur për Sektorin për Urbanizëm në Qytetin e Shkupit, por fatkeqësisht, për shkak të vendimeve në PPU-në nga viti 2012, ne nuk jemi në gjendje ta reduktojmë plotësisht”, tha Shilegov.

Për të shmangur këtë lloj rasti në të ardhmen, Shilegov theksoi se për këtë arsye ato fillojnë me kohë, me shumë kujdes me përfshirjen e të gjithë njerëzve në proces.

Ai shpjegoi se sapo të hyjnë në zbatim, së pari do të duhet të bëhet programi i planifikimit, për t’i hedhur bazat për miratimin e PPU-së, dhe pastaj ata do të fillojnë ta përfshijnë publikun në atë proces.

Marrëveshja u nënshkrua sot nga kryetari i Qytetit të Shkupit, Petre Shilegov, ministri i Transportit dhe Lidhjeve, Bllagoj Boçvarski dhe drejtori i Agjencisë për Planifikim Hapësinor, Ognen Apostollski.

Postime të ngjashme

Apeli konfirmon vendimin: Vetëm 4 vite burg për Boban Iliqin

Z H

Incident në një manifestim në Shkup: Atixheja humbi ndjenjat dhe u rrëzua, kishte qenë e urritur

Z H

Europa ashpërson masat kufizuese antiCOVID-19

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...