Agjencia Zhurnal.mk
Bota

Ngjarje e tmerrshme në ushtri: Ushtarja vret veten pasi u dhunua nga një grup kolegësh në Afganistan

Një ushtarake e dedikuar e gardës Kombëtare të SHBA ka vrarë veten pas sulmeve të përsëritura seksuale nga kolegët në ushtri.

Rreshterja Morgan Robinson u vetëvra në 2018 në moshën 29 vjeçare. Dy vjet më herët ajo ishte sulmuar seksualisht gjatë stacionimit në Kuvajt në 2016, ndërsa katër muaj para vdekjes ajo u përdhunua në grup gjatë misionit ushtarak në Afganistan.

Nëna e ushtarakes së ndjerë, Debbie Robinson ka folur publikisht për atë që quan mungesë absolute e drejtësisë dhe dhënies së llogarisë për tmerrin e vuajtur nga vjaza e saj.

Dështimi për ndalimin e abuzimeve torturuese i morën asaj jetën , argumenton Debbie.

Ajo shton se që prej moshës së vogël Morgan dëshironte të shërbente në ushtrinë e SHBA, dhe kur mbushi 21 vjeç ajo u regjistrua në Gardën Kombëtare.

Kur ajo ishte dërguar në misionin e saj të parë në Lindjen e Mesme, tmerrin nuk e gjeti në fushën e betejës apo në duart e armikut, por “u sulmua seksualisht dhe u ngacmua vazhdimisht nga një prej eprorëve të saj”, thotë e ëma.

Kur Morgan tentoi të raportonte sulmet seksuale të eprorët, drejtuesit nuk bënë asgjë për të dënuar dhunën apo për t’i ofruar mbrojtje.

Morgan, e cila kishte një fëmijë në shtepi dhe ishte e fejuar, u dërgua në Afganistan me të njëjtin dislokim.

Kur ajo arriti atje, u përdhunua në grup nga disa ushtarë. E zhgënjyer dhe e tmerruar të raportonte aktin e rëndë, Morgan vrau veten katër muaj më vonë.

Debbie e dinte se e bija ishte “e tmerruar” të raportonte përdhunimin “sepse ata e kishin kërcënuar.”

“Kjo ishte hera e dytë. Ajo e dinte se nuk do të shkonte gjëkundi. Asgjë nuk u bë për sulmin në Kuvajt prandaj asgjë nuk do të ndodhte as për Afganistanin”, thotë e ema.

Postime të ngjashme

Sulmohet me raketa baza amerikane në Irak

Lea Muslija

Amerika bllokon pranimin e Ukrainës në NATO?

Lea Muslija

Rusia “zbutet” e para, kthen ambasadorin në Washington pas takimit Biden-Putin

Lea Muslija

Paralajmëron OBSH: Bëni kujdes, pandemia s’ka marrë fund

Lea Muslija

Tragjedi në Peru, përmbyset autobusi, të paktën 27 viktima

Lea Muslija

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...