Ngrihet padi kundër ligjit për abortin në Teksas

Departamenti amerikan i Drejtësisë ngriti padi civile kundër ligjit të diskutueshëm për abortin në shtetin e Teksasit.

 

“Akti është qartazi antikushtetues”, tha prokurori i përgjithshëm amerikan, Merrick Garland, në një konferencë për media.

Abortet u bënë të ligjshme në të gjithë SHBA-në qysh në vitin 1973.

Ligji i ri në Teksas e ndalon abortin nga java e gjashtë e shtatzënisë dhe lejon këdo që t’i padisë ata që përfshihen në procedurë.

Mjekët dhe grupet e të drejtave të grave e dënuan ashpër masën, e cila hyri në fuqi javën e kaluar, pasi Gjykata Supreme nuk e bllokoi atë.

Garland tha se “plani për të shfuqizuar Kushtetutën e Shteteve të Bashkuara është një gjë që të gjithë amerikanët – pavarësisht nga politika apo partia e tyre – duhet t’i frikësohen”.

Në fillim të kësaj jave, Departamenti amerikan i Drejtësisë njoftoi se do t’i mbrojë klinikat e Teksasit që kryejnë aborte.

Guvernatori i Teksasit, Greg Abbott, e mbrojti ligjin, duke u zotuar se shteti i tij “do ta mbështesë gjithmonë të drejtën për jetë”.

Related posts

Test, ventilim dhe maska – Italia hap shkollat të hënën

D V

OBSH: Deri më 1 dhjetor në Evropë mund të ketë 236 mijë vdekje të reja na Kovid-19

N E

Sa e zvogëlon vaksinimi rrezikun e COVID-it të gjatë?

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com