Agjencia Zhurnal.mk
Bota

Nigeri, 23 të vdekur në sulmet e armatosura

Komisari Shtetëror i Sigurisë së Brendshme dhe i Punëve të Brendshme të shtetit Kaduna, Aruwan tha se disa persona ende të pa identifikuar kryen sulme të armatosura në disa provinca të vendit.

Në veri të Nigerisë 23 persona humbën jetën si pasojë e sulmeve të armatosura, transmeton Anadolu Agency (AA).

Komisari Shtetëror i Sigurisë së Brendshme dhe i Punëve të Brendshme të shtetit Kaduna, Samuel Aruwan deklaroi se disa persona ende të pa identifikuar kryen sulme të armatosura në disa provinca të vendit.

Aruwan tha se në sulmet e armatosura 23 persona e kanë humbur jetën dhe shumë të tjerë janë plagosur.

Ai tha se në rajon janë dërguar më shumë forca të sigurisë për shkak të sulmeve në rritje dhe se ka filluar hetimi në lidhje me rastin.

Më herët ishte ndaluar përdorimi i motoçikletave

Përdorimi i motoçikletave është i ndaluar në disa vende për shkak se sulmuesit në kohët e fundit kryenin sulme me motoçikleta.

Zona është skenë e përplasjeve të dhunshme midis grupit etnik fulanët, të cilët ndonjëherë merren me blegtori dhe disa fiseve që jetojnë me bujqësi. Së fundmi dy ditë më parë 19 persona u vranë në sulmin e kryer nga persona të armatosur.

Fulanët, të cilët migruan në jug të vendit për të kullotur bagëtitë, pretendojnë se fermerët e vendit u përpoqën të vidhnin bagëtinë e tyre dhe i sulmuan ata.

Postime të ngjashme

SHBA dëbon 24 diplomatë rusë

D V

Pashinyan merr sërish mandatin për krijimin e qeverisë së re

D V

Gjermania lejon një dozë përforcuese të vaksinës kundër COVID-19

D V

Situatë e rëndë me zjarret në Greqi

D V

Miliona evropianë nuk kanë para për pushime verore

D V

Roja i kampit nazist do të dalë para gjykatës në Gjermani

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...