Agjencia Zhurnal.mk
Maqedoni TOP LAJM

Nikollovski: Të martën publikojmë planin e veprimit për luftën kundër korrupsionit dhe krimit

Strumicë, 27 shkurt – Kryeministri Zoran Zaev dhe zëvendëskryeministri për Luftë kundër korrupsionit, Lupço Nikollovski të martën do të publikojnë plan të madh të veprimit për të luftuar korrupsionin dhe krimin.

Sipas Nikollovskit, plani do të përmbajë të gjitha vërejtjet, rekomandimet dhe kërkesat e organizatave joqeveritare, Platformës qytetare për luftën kundër korrupsionit, të “Transparensi”, të Komisionit shtetëror për parandalimin e korrupsionit, organeve rregullatore dhe të gjitha vërejtjet dhe rekomandimet nga partneri strategjik-SHBA, Raporti i KE-së dhe të gjitha institucionet përkatëse që monitorojnë situatën në vend.

“Me këtë do të kërkojmë hapjen e një fronti të gjerë, kryesisht politik, me mbështetjen maksimale të të gjithë aktorëve nëse duam të zgjidhim vendin tonë, nëse duam të kemi një sistem, nëse duam që ligji të zbatohet për të gjithë – le të zbatojmë të gjitha ato kërkesa që na janë dërguar. Kabineti im ka punuar në mënyrë aktive në zbulimin, lartësimin e tyre dhe ne do t’ia ofrojmë dhe publikojmë atë Qeverisë dhe ne kërkojmë që çdo person i ndershëm dhe i përgjegjshëm, i cili mendon mirë për këtë vend, të mos i bllokojë më tej, por të japë mbështetje, ndihmë dhe mbështetje në të gjitha këto gjëra”, tha sekretari i përgjithshëm i LSDM-së dhe zëvendëskryeministër për luftë kundër korrupsionit, Lupço Nikllovski.

Shtoi se me pranimin e vendit në NATO janë zgjidhur problemet e mëdha historike dhe tani ishte koha për të adresuar pikërisht këto përparësi që janë të rëndësishme për të gjithë qytetarët.

Në pyetje të gazetarëve se ku ka më shumë korrupsion, Nikollovski nënvizoi se kjo është një e keqe që ne e kemi në të gjitha poret e shoqërisë dhe jo vetëm në atdheun tonë, por është kudo dhe prandaj mesazhi i cili jepet me vendosjen në nivel të lartë të zëvendëskryeministrit, i cili në portofolin e vet e ka pikërisht luftën kundër korrupsionit dhe krimit, është se është në krye të prioriteteve të Qeverisë.

Ai u përqendrua edhe në bllokadat e deritanishme dhe bllokimin e dispozitave kryesore ligjore nga ana e opozitës dhe theksoi se nevojitet reformë e të gjitha partive politike, si dhe uniteti maqedonas për të pasur drejtësi, rregull dhe disiplinë pavarësisht se për kë bëhet fjalë.

Postime të ngjashme

MPJ prezantoi katër këshilltarët ekonomikë, do të vendosen në Varshavë, Mynih, Ankara dhe Abu Dabi

R Zh

Muça: Shkupi do të lulëzojë me gjelbërim! (FOTO)

R Zh

VMRO-ja kërkon dorëheqjen e ministrit Filipçe

R Zh

Mexhiti: Nuredini, ishte model për fëmijët e Serovës dhe më gjërë

R Zh

Spitali i Gostivarit furnizohet në mënyrë të centralizuar me oksigjen

R Zh

Transplantim i suksesshëm i zemrës te një djalosh 27-të vjeçar

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...