Një gjyq filloi sot në Paris për grabitjen e vitit 2016, në të cilën grabitës të armatosur lidhën Kim Kardashian në dhomën e saj të gjumit në një suitë hoteli luksoz në Paris dhe vodhën bizhuteri me vlerë miliona dollarë.
10 persona – nëntë burra dhe një grua – janë në gjyq me akuzat për grabitje dhe rrëmbim të një figure publike, dhe akuza janë ngritur gjithashtu kundër rrëmbimit të portierit të rezidencës ku Kim Kardashian qëndroi natën e 2 tetorit 2016, gjatë Javës së Modës në Paris, raportoi AP.
Deri më tani dy të pandehur e kanë pranuar përfshirjen në grabitje, pasi në vendngjarje u gjet ADN-ja, ndërsa të tjerët e kanë mohuar.
Gjyqi filloi me përzgjedhjen e një jurie prej gjashtë shtetasish për të kryesuar gjyqin së bashku me tre gjyqtarë, procedurë e rezervuar në Francë për krimet më të rënda.