95
Policia në Ferizaj ka nisur një operacion kërkimi për gjetjen e një gruaje 54-vjeçare me inicialet H.J., nga fshati Runjevë i Kaçanikut, e cila është raportuar e zhdukur që nga orët e hershme të mëngjesit të së mërkurës.
Sipas njoftimit zyrtar të Policisë, familjarët nuk kanë asnjë informacion mbi vendndodhjen e saj.
Në kërkim janë angazhuar edhe Shoqata e Kosovës për Kërkim-Shpëtim me operatorë në terren, dronë të sofistikuar dhe motoçikleta për terrene të vështira, si dhe Forca e Sigurisë së Kosovës (FSK) me pjesëtarë aktivë.
Po ashtu, qytetarë vullnetarë nga komuniteti lokal po japin ndihmën e tyre në këtë operacion.
Kërkimet janë duke vazhduar.