4 fëmijët dhe gruaja e nxjerrë nga kampi famëkeq në Siri Al Haël po nisen drejt Shqipërisë.
Fëmijët e mitur dhe gruaja ndodhen aktualisht në aeroportin e Bejrutit, ku kanë hipur edhe në avionin që nga momenti në moment pritet të niset drejt vendit tonë.
I gjithë operacioni është ndjekur nga krye-ministri Edi Rama dhe ministri i Brendshëm Sandë Lleshaj.
Fëmijët e nxjerrë nga Al Haël janë Amar Rasha, Emel Rasha,Hatixhe Rasha dhe Endri Dumani. Është nxjerrë nga kampi i Al Haël dhe nëna e tre fëmijëve Floresha Rasha.
Floresha Rasha së bashku me 3 fëmijët dhe Endri Dumanin do të mbërrijnë në Shqipëri pas disa orësh. Ndërkohë për Top Channel Endri Dumani është shprehur: Jam mirë me shëndet, mezi pres të takoj mamin dhe dajën.
Floresha: Gjithmonë e kam pritur këtë ditë. Jam shumë e gëzuar.
Doktoresha: “Duken të qetë. Do të shihen në vazhdimësi me kujdes dhe edukator. Që të kthehen sa më shpejt në jetën sociale. Është ngritur një qendër për ta.
Psikologia: Si fillim do t’ju ofrojmë këshillim psikologjik. Vijnë nga ngjarje traumatike dhe kjo do jetë. Punë me terapi arti dhe loje të fillojnë të rehabilitohen në komunitet.
