Niset për në Egjipt kontingjenti i dytë i Policisë Ushtarake të Shqipërisë, pjesë e misionit shumëkombësh

Kontingjenti i dytë i Policisë Ushtarake të Shqipërisë u përcoll sot në misionin e Forcës Shumëkombëshe dhe Vëzhgimit (MFO) në Sinai, Egjipt.

Përmes një njoftimi për shtyp, Ministria e Mbrojtjes konfirmon se “siguria ndërkombëtare është një element i rëndësishëm në misionin ushtarak të Shqipërisë”.

“Ju urojmë efektivëve tanë ta përmbushin me sukses këtë mision fisnik dhe shpresojmë për kthimin e sigurt të tyre në atdhe”, përfundon njoftimi për shtyp.