Nisin dëshmitë për dhunën e 6 janarit në Kongres

Oficerët e policisë, që u janë përgjigjur trazirave në Kongresin amerikan, më 6 janar, dhanë të martën dëshmi për dhunën dhe urrejtjen që kanë përjetuar.

 

Dëshmitë u dhanë para një komiteti të Kongresit, i cili është themeluar muajin e kaluar për hetimin e ngjarjes.

Zyrtari i policisë së Kongresit, Harry Dunn, i cili është afrikano-amerikan, tha se është tallur me epitete racore nga turma.

Rreshteri i policisë së Kongresit, Aquilino Gnnell, e përshkroi dhunën si “fushëbetejë mesjetare”.

Më 6 janar, mbështetësit e ish-presidentit amerikan, Donald Trump, kanë sulmuar ndërtesën e Kongresit, në përpjekje për të penguar certifikimin e rezultatit të zgjedhjeve të nëntorit, në të cilat kandidati demokrat, Joe Biden, ka dalë fitues.

Trazirat kanë lënë pesë persona të vdekur, përfshirë një zyrtar të policisë.

Kongresi, megjithatë, ka arritur ta certifkojë rezultatin zgjedhor dhe Biden e ka marrë detyrën e presidentit në muajin janar.

Së paku 535 protestues janë arrestuar, por, deri më tani, janë shqiptuar vetëm disa dënime.

Hetimet po kryhen pothuajse tërësisht nga demokratët, pasi shumica e republikanëve – bashkëpartiakëve të Trumpit – e bojkotuan komitetin.

Vetëm dy republikanë – Liz Cheney dhe Adam Kinzinger – iu bashkuan hetimeve.

“Nëse ata që janë përgjegjës nuk japin llogari, ky do të mbetet një kancer për republikën tonë kushtetuese”, tha Cheney në fillim të seancës.

Kongresi amerikan e ka fajësuar Trumpin për nxitje të trazirave, por ai është shpallur i pafajshëm nga Senati.

Related posts

Turqia dhe Kombet e Bashkuara grindën për Qipron

D V

‘Ata qëlluan gruan time’: Burri afgan rrëfen sesi familja e tij u përpoq të ikte

D V

Zgjedhjet presidenciale në Bullgari do të mbahen me 14 nëntor

N E

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com