Bota

Nisin ‘tensionet’ në SHBA, mbështetësit e Trump dynden drejt qëndrave të numërimit

Replika, kontestime, por edhe protesta. Zgjedhjet në SHBA-në i kanë të gjitha. Pak orë pasi Donald Trump njoftoi se ngriti padi për të ndaluar numërimin e votave në Michigan, pasi sipas saj nuk i ishte dhënë qasje e mjaftueshme në vendet e numërimit të votave për të vëzhguar hapjen e kutive të votimit u zhvillua një protestë në Detroit.

Me thirrjet “ndalo numërimin” një grup qytetarësh u mblodhën përpara një qendre numërimi duke protestuar. Ata u përpoqën që të futën ne qendrën e numërimit, por nuk u lejuan nga policia. Situata është e tensionuar.

Më pas në qendrën e numërimit shkuan edhe mbështetës të demokratëve, të cilët u shprehën se vajtën për t’u siguruar që votat po numëroheshin në rregull.

“Unë thjesht dua të sigurohem që të gjitha votat e Michiganit janë të numëruara. Këto zgjedhje janë, siç thotë Joe Biden, për shpirtin e vendit tonë” tha njëri nga mbështetësit e kandidatit demokrat.

Mbështetësit e Presidentit Donald Trump dhe sfiduesit të tij Joe Biden në Detroit ishin të zemëruar, të irrituar dhe të frikësuar të mërkurën, me rezultatin akoma disa ditë ose edhe javë larg.

Shumë mbështetës në bazën e votuesve të Trump u bënë jehonë akuzave të tij të pabazuara për manipulim duke kërkuar ndalimin e numërimit të votave.

Postime të ngjashme

​Kina do të ndalojë tërësisht importin e mbetjeve të ngurta më 2021

R ZH

Merkel: Nuk u arrit përparimi i dëshiruar në marrëdhëniet BE-Turqi

S.B.

Momenti kur zëvenëspresidentja e njoftoi Bidenin në telefon për fitoren (Video)

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...