Dibër, 23 janar – Një mësimdhënës në një shkollë rajonale në fshatin Zhepishtë të Dibrës, fizikisht ka sulmuar një nxënës në shkollën e njëjtë, e cila funksionon në kuadër të Shkollës Fillore Komunale “Penestia” – Dibër.
Sipas Stefan Dimoski, zëdhënës i Sektorit të Punëve të Brendshme – Ohër, rasti është denoncuar dje në orën 15.30.
“Në DPB Dibër është raportuar se E.S. (54), mësimdhënës në një shkollë rajonale në fshatin Zhepishtë të Dibrës, fizikisht ka sulmuar një nxënës në shkollën e njëjtë. Po ndërmerren masa për zbardhjen e rastit, pas çka do të parashtrohet padi adekuate”, informoi Dimoski.
Ngjarje e tillë ishte regjistruar vitin e kaluar në shkollën rajonale në fshatin Broshticë, e cila funksionin në kuadër të SHFK “Mustafa Kemal Ataturk” Qendra Zhupë.